អាល្លឺម៉ង់៖ លោក Sebastian Kehl នាយកកីឡារបស់ក្លិប Borussia Dortmund បាននិយាយកាលពីពេលថ្មីៗនេះថា ខ្សែប្រយុទ្ធ Erling Haaland នឹងបន្តលេងឲ្យក្លិបលោកទៀតនៅរដូវកាលក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Sebastian បាននិយាយថា៖ "ខ្ញុំយល់ច្បាស់ណាស់ Haaland នឹងបន្តលេងឲ្យ Dortmund យើងនៅរដូវកាលថ្មីនេះទៀត"។
លោកបានបន្តថា៖ "Haaland គេឯកភាពជាមួយទាំងស្រុងហើយ។ ខ្ញុំមើលឃើញគេរាល់ថ្ងៃ អញ្ចឹងខ្ញុំអាចនិយាយបានគេពេញចិត្តនឹងលេងឲ្យក្លិបយើងនេះណាស់"។
Haaland ជាកីឡាករឡើងជើងខ្លាំងក្នុងកំឡុង ២រដូវកាលចុងក្រោយនេះ ដោយកីឡាករនេះត្រូវបានក្លិបធំៗជាច្រើនចង់បានសម្រាប់រដូវកាលក្ដៅខាងមុខដូចជាក្លិប Real Madrid ក្លិប Manchester City ក្លិប Manchester United និងក្លិប Chelsea ជាដើម៕