អេស្ប៉ាញ៖ Barcelona នឹងប្តឹងឧទ្ធរណ៍ចំពោះការពិន័យចំនួន ២ ប្រកួតដែលត្រូវបានប្រគល់ជូនគ្រូបង្វឹក Ronaldo Koeman ដែលនឹងរារាំងរូបគាត់មិនឱ្យចូលរួមក្នុងការប្រកួតដ៏ស្វិតស្វាញទល់នឹង Atlético Madrid ក្នុងការប្រជែងដណ្តើមជើងឯកលីកអេស្ប៉ាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សKoeman ត្រូវបានគេពិន័យកាតក្រហមអំឡុងពេលដែល Barcelona ចាញ់ Granada ក្នុងលទ្ធផល ២-១ កាលពីថ្ងៃព្រហស្បតិ៍ ដោយសារការប្រើប្រាស់អ្វីដែលលោកអាជ្ញាកណ្តាលចាត់ទុកថាជាភាសាមិនសមរម្យ។ ការបរាជ័យនោះធ្វើឱ្យក្រុមរបស់គាត់ខាតបង់ឱកាសក្នុងការប្រជែងដណ្ដើមលីគអេស្ប៉ាញ។
សហព័ន្ធបាល់ទាត់អេស្បាញបានបង្កើនបម្រាមពី ១ប្រកួត ឡើងដល់ ២ ប្រកួត បន្ទាប់ពីបានពិនិត្យមើលករណីនេះ ដែលបណ្តាលឱ្យមានការប្តឹងឧទ្ធរណ៍ពី Barcelona ។
លោក Koeman បាននិយាយកាលពីថ្ងៃសៅរ៍ថា៖ យោងតាមរបាយការណ៍អាជ្ញាកណ្តាលនិយាយថា ខ្ញុំមិនគោរពជំនួយការអាជ្ញាកណ្តាល តែសម្រាប់ខ្ញុំ វាមិនត្រឹមត្រូវទាល់តែសោះ។ ការជេរប្រមាថ ទើបហៅថាការមិនគោរព ហើយខ្ញុំគ្រាន់តែនិយាយអំពីទម្រង់លេងរបស់កីឡាករដោយភាសារមិនសមរម្យខ្លះតែប៉ុណ្ណោះ។
បុរសជនជាតិហូឡង់រូបនេះបានបន្តថា៖ «ការបញ្ជូនខ្ញុំចេញ ពិតជាធ្វើឱ្យខ្ញុំខឹងណាស់ ពីព្រោះវាមិនយុត្តិធម៌។ យើងនឹងឃើញថាមានអ្វីកើតឡើង ចាំមើលចុះ (ទាក់ទងនឹងបណ្តឹងឧទ្ធរណ៍)»។
ការពិន័យនោះនឹងធ្វើឱ្យ Koeman មិនមានកន្លែងសម្រាប់ការប្រកួតរបស់ Barcelona ទល់នឹង Valencia នៅថ្ងៃអាទិត្យនិងការប្រកួតជុំបន្ទាប់ទល់នឹង Atlético នៅ Camp Nou ដែលនឹងជះឥទ្ធិពលដោយផ្ទាល់ដល់ការប្រកួតដណ្តើមជើងឯក៕