អេស្ប៉ាញ៖ Lionel Messi ត្រូវបានគេរាយការណ៍ថានឹងស្នាក់នៅជាមួយ Barcelona ខណៈដែលក្លឹបកំពុងត្រៀមផ្តល់ជូនគាត់នូវកិច្ចសន្យាថ្មីរយៈពេល ១០ ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ ៣៣ ឆ្នាំរូបនេះពិតជាចង់ចាកចេញពីទឹកដី Camp Nou កាលពីរដូវក្តៅមុនបន្ទាប់ពីបានស្នើសុំការផ្ទេរ ប៉ុន្តែទីបំផុតគាត់បានស្នាក់នៅបន្ទាប់ពី Barcelona បានទាមទារប្រាក់ផ្ដាច់កិច្ចសន្យា ៦២៥ លានផោន សម្រាប់ក្លិបដែលចង់បានរូបគេ មុនពេលការផ្ទេរណាមួយកើតឡើង។
យោងតាមបណ្តាញទូរទស្សន៍កាតាឡាំង TV3 ប្រធានក្លិបថ្មីទើបជាប់ឆ្នោតលោក Joan Laporta និងលោក Jorge Messi ដែលជាឪពុករបស់ Lionel បានទទួលទានអាហារពេលល្ងាចជាមួយគ្នាកាលពីសប្តាហ៍មុននឹងបានជួបពិភាក្សាជាវិជ្ជមានទាក់ទងនឹងអនាគតរបស់ Messi ។
មានពាក្យចរចាមអារាមថា ក្រុម Barcelona បានផ្តល់ជូនម្ចាស់ពានរង្វាន់ Ballon d’Or ចំនួន ៦ សម័យនូវកិច្ចសន្យាថ្មីរយៈពេល ១០ ឆ្នាំ ដែលរួមមានពីររដូវកាលទៀតក្នុងនាមជាកីឡាករជាមួយក្លិបយក្សអេស្បាញមួយនេះក៏ដូចជាការផ្លាស់ប្តូរទៅអនាគតនៅក្លឹប Major League Soccer និងតួនាទីប្រតិបត្តិនៅ Camp Nou ពេលគាត់ចូលនិវត្តន៍។
ទោះបីជាក្លឹបកាតាឡាន់មានបំណុលសរុបជាង ១ ពាន់លានផោនក៏ដោយ ពួកគេសង្ឃឹមថាពួកគេអាចមានលទ្ធភាពផ្តល់ជូន Messi នូវកិច្ចសន្យាថ្មីមុនពេលកិច្ចសន្យាបច្ចុប្បន្នរបស់គាត់ផុតកំណត់នៅខែមិថុនា៕