ខ្ញីកាន់តែចាស់កាន់តែហឹរ! Ronaldo វាយបកស៊ុតពីគ្រាប់ជួយ Juventus ឡើងមកឈរលេខ៣ (មានវីដេអូ)

អ៊ីតាលី៖ ខ្សែប្រយុទ្ធ Cristiano Ronaldo បានសាងគុណសម្បត្តិយ៉ាងច្រើនក្នុងការជួយ Juventus ទទួលបានជ័យជម្នះនៅលើ Udinese ក្នុងការប្រកួតយប់មិញនេះនៃក្របខណ្ឌ Seria A។

ជាការពិតណាស់ នៅក្នុងវគ្គទីមួយ Juventus បានព្យាយាមគាបសង្កត់ទៅលើក្រុមម្ចាស់ផ្ទះខ្លាំងមែនទែន ប៉ុន្តែ មិនមានសំណាងទាល់តែសោះថែមទាំងរបូតគ្រាប់បាល់ទៀតពីសំណាល់ការស៊ុតបញ្ចូលទីយ៉ាងស្អាតរបស់កីឡាករ Nahuel Molina។ នៅក្នុង៤៥នាទីដំបូង គ្រាប់បាល់កើតឡើងតែមួយគ្រាប់នេះប៉ុណ្ណោះ។

លុះឈានចូលវគ្គទីពីរ Juventus បានបន្ថែមការវាយសម្រុកទ្វេដងរហូតមានឱកាសក្នុងការស៊ុតបាល់ពិន័យប៉េណាល់ទីនៅនាទីទី៨៣ និង ធ្វើបានដោយ Ronaldo។ អ្វីដែលគួរឲ្យភ្ញាក់ផ្អើលនោះ គឺ កីឡាករសញ្ជាតិព័រទុយកាល់ខាងលើបានស៊ុតបញ្ចូលទីមួយគ្រាប់ទៀតនៅនាទីទី៨៩ ជាគ្រាប់ជ័យជម្នះជួយ Juventus វាយបកយកឈ្នះ Udinese ក្នុងលទ្ធផល ២ទល់នឹង១។

គួរបញ្ជាក់ដែរថា ជ័យជម្នះនេះបានជួយ Juventus ឡើងមកឈរលេខ៣ មាន៦៩ពិន្ទុស្មើគ្នា ជាមួយក្រុមលេខ២ Atalanta ប៉ុន្តែឱកាសក្នុងការប្រជែងពាន Serie A រដូវកាលនេះ គឺបានបញ្ចប់ទៅហើយ ដោយក្រុម Inter Milan មានពិន្ទុគ្រប់គ្រាន់ក្នុងការលើកពាន បើទោះជានៅសល់៤ប្រកួតទៀតទើបបញ្ចប់លីគក៏ដោយ៕

ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖

https://t.me/khmerload