Messi បានសរសើរមិត្តរួមក្រុមម្នាក់នេះមិនដាច់ពីមាត់ ហើយថាខ្លួនជាអ្នកគាំទ្រដ៏ធំរបស់កីឡាកររូបនេះ

អេស្ប៉ាញ៖ ថ្មីៗនេះលោក Frenkie de Jong បានទទួលការកោតសរសើរនៅក្នុងបណ្តាញសារព័ត៌មានអេស្ប៉ាញចំពោះទម្រង់លេងរបស់លោកនៅពេលដែលក្រុម Barcelona លើកពាន Copa Del Rey ខណៈដែលពួកគេកំពុងប្រជែងដណ្តើមពានរង្វាន់។

ថ្លែងទៅកាន់ De Telegraaf លោក Koeman បាននិយាយថា លោកបាននិយាយជាមួយ De Jong បន្ទាប់ពីការមកដល់ទីក្រុងបាសេឡូណានៅរដូវក្តៅថា “នៅពេលខ្ញុំមកដល់ខ្ញុំបានប្រាប់ Frenkie ថានេះជារដូវកាលទី ២ របស់អ្នកហើយអ្នកត្រូវបោះជំហានទៅមុខមួយជំហានខ្ពស់ជាងនេះ មិនមែនគ្រាន់តែលេងដើម្បីតែលេងនោះទេ។ នេះស្តាប់មើលទៅដូចជាឃោរឃៅបន្តិច ប៉ុន្តែគាត់បានយល់ពីន័យរបស់វា។ ខ្ញុំបានប្រាប់គាត់ឱ្យទទួលខុសត្រូវបន្ថែមទៀត ដើម្បីចូលទៅក្នុងប្រអប់របស់គូប្រជែងបន្ថែមទៀត។​

Koeman ក៏បានបង្ហើបផងដែរថា Messi គឺជាអ្នកគាំទ្រដ៏ធំរបស់ខ្សែបម្រើហូឡង់រូបនេះថា “ក្នុងអំឡុងពេលសន្ទនាទាំងនេះខ្ញុំក៏មានការចូលរួមពី Messi ដែរ។ Messi បានប្រាប់ Frenkie ថាគាត់គឺជាកីឡាករដ៏អស្ចារ្យម្នាក់។ គាត់កសប្បាយចិត្ត ពេលលេងជាមួយកីឡាករដូចជា Frenkie ពីព្រោះគាត់ចង់បានកីឡាករបាល់ទាត់ពិតប្រាកដនៅជុំវិញគាត់។​

កីឡាកររូបនេះបន្តទៀតថា​ “នៅពេលយើងនិយាយជាមួយគ្នាបីនាក់ Messi ចែករំលែកយោបល់របស់គាត់ចំពោះ Frenkie ។ គាត់តែងតែព្យាយាមឱ្យ Frenkie បង្ហាញពីសក្ដានុពលរបស់ខ្លួន ដោយ Messi ជឿជាក់ថា Frenkie អាចឈានដល់កម្រិតមួយខ្ពស់ជាងនេះ។ គាត់យល់ឃើញថាគាត់ជាកីឡាករឆ្លាតវៃម្នាក់”៕