អង់គ្លេស៖ កាលពីរាត្រីថ្ងៃអាទិត្យកន្លងទៅ ត្រូវនឹងថ្ងៃទី ០២ ខែ ឧសភា ឆ្នាំ ២០២១ ជាការប្រកួតក្នុងសប្តាហ៍ទី ៣៤ នៃក្របខណ្ឌ Premier League រវាងក្រុមម្ចាស់ផ្ទះ Tottenham Hotspur បានបើកទ្វាកីឡដ្ឋានរបស់ខ្លួនទទួលស្វាគមន៍ក្រុមភ្ញៀវ Sheffield United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ការប្រកួតបានបញ្ចប់ទៅដោយក្រុម Spurs បានលត់ក្រុម Sheffield យ៉ាងចាស់ដៃក្នុងលទ្ធផល ៤-០។
ជាការពិតណាស់ នាការប្រកួតកាលពីយប់មិញយើងឃើញថា Bale ពិតជាបង្ហាញទម្រង់លេងបានល្អមែនទែន, ជាពិសេសល្បឿនរបស់គេគឺនៅតែលឿនដដែល ដោយមិនចាញ់កាលពីមុនប៉ុន្មានឡើយ។ តួយ៉ាងខ្សែប្រយុទ្ធសញ្ជាតិ វែលន៍រកបាន ៣ គ្រាប់ម្នាក់ឯង នៅនាទីទី ៣៦, ៦១ និង ៦៩។
ចំណែកឯ Son Heung-min ក៏ធ្វើបានល្អណាស់ដែរ ដោយគេអាចរកបានមួយគ្រាប់ផងដែរ ដែលជាគ្រាប់ចុងក្រោយឱ្យក្រុមមាន់ខ្នាយមាស នៅនាទីទី ៧៧ តាមរយៈការស៊ុតកាច់មុំពីលើដំបូលទូកយ៉ាងអស្ចារ្យមែនទែន។
គួរបញ្ជាក់ថា នៅពេលនេះ Spurs បានហក់ឡើងមកឈរចំណាត់ថ្នាក់ទី ៥ នៃក្របខណ្ឌ Premier League វិញហើយ មាន ៥៦ ពិន្ទុ កំពុងប្រដេញពិន្ទុគ្នាយ៉ាងប្រកៀកប្រកិតដើម្បីដណ្តើមដំណែងក្រុមកំពូលទាំង ៤ ជាមួយក្រុម Chelsea និង West Ham United៕
សូមទស្សនាវីដេអូខាងក្រោម៖
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload