ភ្នំពេញ៖ សម្ដេច ហ៊ុន សែន មានប្រសាសន៍ថា នឹងសាកល្បងអញ្ជើញកីឡាករបាល់ទាត់លំដាប់ពិភពលោក Messi និង Neymar មកទស្សនកិច្ចនៅកម្ពុជា ពេលកូវីដ១៩ ធូរស្រាល។ លើកឡើងបែបនេះ ដោយសម្តេចតបតាមសំណើររបស់ម្ចាស់គណនីឈ្មោះ Dïñ Dîñ ដែលបានខមិនសុំសម្ដេចតេជោ អញ្ជើញកីឡាករឆ្នើមទាំងពីររូបនេះមកទស្សនកិច្ចនៅកម្ពុជា ពេលកូវីដ១៩ បានធូរស្រាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្តេច ហ៊ុន សែន មានប្រសាសន៍បែបនេះ កាលពីព្រលប់ថ្ងៃទី២ ខែឧសភា ឆ្នាំ២០២១ ពាក់ព័ន្ធនឹងការចាក់វា៉ក់សាំងបង្ការកូវីដ១៩របស់ចិនទៅលើកំពូលកីឡាករបាល់ទាត់ Messi និង Neymar។ នេះបើយោងតាមការចុះផ្សាយរបស់សារព័ត៌មានចិនស៊ិនហួរ។
គួរបញ្ជាក់ថា Messi គឺជាកីឡាករបាល់ទាត់ឆ្នើមសញ្ជាតិអាហ្សង់ទីន ដែលសព្វថ្ងៃកំពុងប្រកបអាជីពនៅក្លឹបកំពូលរបស់អេស្ប៉ាញ គឺ Barcelona ចំណែក Neymar គឺជាកីឡាការបាល់ទាត់ឆ្នើមសញ្ជាតិប្រស៊ីល ដែលសព្វថ្ងៃកំពុងប្រកបអាជីពនៅក្លឹបកំពូលរបស់បារាំង គឺ Paris Saint-Germain ៕