កីឡាកររបស់ក្រុម Real Madrid ១រូប បដិសេធមិនព្រមចរចាកុងត្រាជាមួយក្លិប

អេស្ប៉ាញ៖ កីឡាករខ្សែការពារម្នាក់របស់ក្រុមអធិរាជស Real Madrid ម្នាក់គឺ​ កីឡាករសញ្ជាតិអេស្ប៉ាញ Sergio Ramos បានធ្វើការបដិសេធមិនព្រមចរចារឿងកុងត្រាថ្មីជាមួយក្លិបនោះទេ​ ហើយរូបគេអាចនឹងចាកចេញពីក្លិប Real Madrid នៅក្នុងពេលឆាប់ៗនេះ។

ក្រុមអធិរាជស​ Real Madrid ត្រូវបានគេដឹងថានឹងផ្តល់ជូនដល់កីឡាករខ្សែការពារវ័យ៣៥ឆ្នាំរូបនេះនូវកិច្ចសន្យាថ្មីរយះពេលមួយឆ្នាំបន្តទៀត ក៏ប៉ុន្តែបច្ចុប្បន្នកីឡាកររូបនេះកំពុងតែធ្វើការពិចារណាលើលក្ខខណ្ឌនៃកិច្ចសន្យាថ្មី ហើយថែមទាំងធ្វើការបដិសេធមិនទាន់ចរចាកុងត្រាថ្មីនៅឡើយនោះទេ​។

គួរបញ្ជាក់ផងដែរថា កីឡាករខ្សែការពារចាស់វស្សារូបនេះបានចំណាយរយះពេលលេងឧ្យក្លិបយក្យអេស្ប៉ាញមួយនេះអស់រយះពេល១៦រដូវកាលចាប់តាំងការផ្ទេរចេញពីក្លិប Sevilla​ ដោយបានលេងចំនួន៦៥៩​ ប្រកួតហើយស៊ុតបញ្ជូលទីបាន១០០គ្រាប់។ ឥលូវនេះអនាគតកីឡាកររូបនេះហាក់មិនទាន់មានភាពច្បាស់លាស់នៅឡើយទេ ហើយប្រសិនបើកីឡាករូបនេះមិនអាចចរចាកុងត្រាជាមួយក្លិបបានទេនោះ រូបគេនឹងចាកចេញនៅខែមិថុនា៕