តារាឆ្នើមរបស់ Chelsea រូបនេះអាចនឹងត្រូវអវត្តមានក្នុងជំនួបជាមួយ R. Madrid យប់ថ្ងៃពុធខាងមុខ

អង់គ្លេស៖ ខ្សែបបម្រើវ័យ២២ឆ្នាំជម្រើសជាតិអង់គ្លេស Mason Mount ដើរតួយ៉ាងសំខាន់ឲ្យ Chelsea ក្នុងជ័យជម្នះលើក្លិប Fulham ដោយលទ្ធផល២ទល់នឹង០ កាលពីយប់ថ្ងៃសៅរ៍កន្លងទៅនេះ ពោលជាអ្នកបោះបាល់ឲ្យកីឡាករ Kai Havertz ស៊ុតបញ្ជូលទីគ្រាប់ទី១។ ប៉ុន្តែនៅនាទីទី៧៦ រូបគេត្រូវប្តូរចេញដោយសារតែទទួលរងរបួសត្រង់ចង្កេះ។ 

ស្របពេលជាមួយគ្នានេះ Mount អាចនឹងមានភាគរយខ្ពស់ដែលត្រូវអវត្តមានក្នុងជំនួបជាមួយក្លិបយក្សអេស៉្បាញ Real Madrid នៅទឹកដី Stamford Bridge យប់ថ្ងៃពុធខាងមុខនេះ។ គួរបញ្ជាក់ដែរថាកាលពីជើងទី១នៅទឹកដីរបស់ Real Madrid ក្លិបទាំងពីរបញ្ចប់ដោយលទ្ធផល១ទល់នឹង១៕​

ប្រភព៖ sportsmole