អេស្ប៉ាញ៖ យោងតាមសេចក្តីរាយការណ៍បានឱ្យដឹងថា កីឡាករ Lionel Messi បានបញ្ជាក់ទៅកាន់ក្លិប Barcelona ថាខ្លួនព្រមទទួលយកលក្ខខណ្ឌកាត់ប្រាក់ខែ ដើម្បីជួយក្លិបក្នុងការចុះកុងត្រាយកកីឡាករ Erling Haaland របស់ Borussia Dortmund។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ថា បុរសសញ្ជាតិអាហ្សង់ទីននឹងផុតកុងត្រាជាមួយក្រុមអ្នកមានបុណ្យនាដំណាច់ខែមិថុនាខាងមុខនេះហើយ ប៉ុន្តែខ្សែប្រយុទ្ធវ័យ ៣៣ ឆ្នាំអាចមានសិទ្ធបន្តកុងត្រាថ្មីរហូតដល់ ១០ ឆ្នាំបន្ថែមទៀតជាមួយក្លិបយក្សនៅតំបន់កាតាឡាន់។
យោងតាមការចុះផ្សាយរបស់កាសែត Eurosport បានឱ្យដឹងថា Messi បានប្រាប់ទៅកាន់ប្រធានក្លិបលោក Joan Laporta ថាគាត់នឹងព្រមទទួលយកលក្ខខណ្ឌកាត់ប្រាក់ខែ ដើម្បីជួយសម្រួលផ្នែកហិរញ្ញវត្ថុដល់ក្លិបក្នុងការផ្ទេរយក Haaland។
តាមរបាយការណ៍ដដែលបានបន្ថែមថា ពេលនេះ Messi កំពុងអស់សង្ឃឹមជាមួយទម្រង់លេងរបស់ក្លិបនាពេលបច្ចុប្បន្នខ្លាំងមែនទែន ហើយគាត់ចង់ជួយក្លិបឱ្យត្រឡប់ទៅរកទម្រង់ដ៏អស្ចារ្យដូចពីអតីតកាលវិញតាមដែលអាចធ្វើទៅបាន។
យ៉ាងណាមិញ ក្លិប Paris Saint-Germain ក៏កំពុងផ្សាភ្ជាប់ទំនាក់ទំនងជិតស្និទ្ធជាមួយ Messi ផងដែរ ប៉ុន្តែជារួមខ្សែប្រយុទ្ធសញ្ជាតិអាហ្សង់ទីននៅមិនទាន់បានបញ្ជាក់អំពីអនាគតរបស់គាត់ច្បាស់លាស់នៅឡើយទេ ថាគាត់នឹងស្នាក់នៅទឹកដី Camp Nou បន្ត ឬមួយចាកចេញនារដូវក្តៅនេះ៕
ប្រភព៖ SportsMole
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload