បរទេស៖ ក្រុមអធិរាជស Real Madrid ទទួលបាន៣ពិន្ទុបន្ថែមទៀតបន្ទាប់ពីបានឈ្នះក្រុម Osasuna ក្នុងលទ្ថផល ២ទល់នឹង០ កាលពីយប់មិញនេះ ដែលលទ្ធផលនេះគឺជាសញ្ញាវិជ្ជមានផងដែរសម្រាប់ក្រុមដែលដឹកនាំដោយគ្រូបង្វឹកសញ្ជាតិបារាំង Zidane ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងការប្រកួតនោះ ខ្សែការពារឆ្នើម Raphael Varane ត្រូវបានបង្ខំចិត្តប្តូរចេញ នៅតង់ទី១ដោយសារតែបញ្ហារបួស មុនពេលដែល Real Madrid រកគ្រាប់បាល់បាន២គ្រាប់នៅតង់ទី២ ។ ក្រោយចប់ការប្រកួត Zidane បានថ្លែងប្រាប់អ្នកកាសែតទាក់ទងនឹងរឿងនេះថា៖
ខ្ញុំសង្ឃឹមថារបួសរបស់ Varane ជារបួសតិចតូច ប៉ុន្តែខ្ញុំមិនអាចប្រាប់អ្នកបានទេ ។ Varane គេនិយាយថាវាជារបួសស្រាល ហើយខ្ញុំក៏សង្ឃឹមអ៊ីចឹងដែរ។
មានរឿងជាច្រើនបានកើតឡើងមកលើយើង ប៉ុន្តែថ្ងៃនេះយើងទទួលបាន៣ពិន្ទុរបន្ថែមទៀត ហើយយើងនឹងប្រយុទ្ធរហូតដល់ទីបញ្ចប់ យើងអាចធ្វើបាន។ ខ្ញុំមិននិយាយថា យើងនឹងឈ្នះបានគ្រប់យ៉ាងនោះទេ ប៉ុន្តែយើងនឹងធ្វើអ្វីគ្រប់យ៉ាងតាមដែលយើងអាចធ្វើបាន ដើម្បីឈ្នះ។
ក្នុងការប្រកួតកាលពីយប់មិញផងដែរយើងឃើញថា ខ្សែបម្រើឆ្នើមទាំង២របស់ Zidane មិនបានចូលលេងទេ ដែលមានដូចជា Kroos និង Luka Modric ប៉ុន្តែយើងបានឃើញ Eden Hazard ត្រលប់មកចូលក្នុងជម្រើស១១នាក់ដំបូងជាលើកដំបូងបន្ទាប់ពីសម្រាកព្យាបាលរបួសអស់រយះពេល៣ខែ យើង Zidane ក៏បានលើកឡើងផងដែរពីទម្រង់របស់ Hazard ។ Zidane បានបន្តថា៖
គាត់ធ្វើបានល្អ [Hazard] ជាពិសេសនៅតំបន់ដែលគាត់លេង លេងជាមួយ Benzema ខ្ញុំគិតថាគាត់ធ្វើបានល្អណាស់។ ថ្ងៃនេះយើងមានកាយសម្បទានិងបញ្ញាស្មារតីល្អណាស់ យើងលេងរៀងរាល់បីថ្ងៃហើយរឿងទាំងនេះសំខាន់ណាស់ ។ ថ្ងៃនេះកីឡាករយើងមានសុខភាពល្អណាស់។
គួររំលឹកផងដែរថា Real Madrid កំពុងឈលេខ២កំពូលតារា នៅពីក្រោមក្រុម Aletico Madrid និងតាមពីក្រោយដោយក្រុមលេខ៣ Barcelona ៕
Bong I.T