Messi សុខចិត្តកាត់ប្រាក់ពលកម្មរបស់ខ្លួនដើម្បីឲ្យ Barca មានទុនទិញយក Haaland មករួមក្រុម

បរទេស៖ កុងត្រាចាស់របស់កំពូលខ្សែប្រយុទ្ធ Lionel Messi ជាមួយក្លិប Barcelona នឹងត្រូវអស់សុពលភាពនៅចុងរដូវកាល២០២០/២១នេះហើយ ខណៈដែលភាគគីទាំងសងខាងក៏កំពុងតែរៀបចំបន្តកិច្ចសន្យាថ្មីរយៈពេល២រដូវកាលទៀតផងដែរ។ 

ស្របពេលជាមួយគ្នានេះ បើតាមគេហទំព័រ Eurosport បានឲ្យដឹងថា Messi បានយល់ព្រមជាមួយប្រធានក្លិប Barcelona លោក Joan Laporta ក្នុងការបន្ថយប្រាក់ពលកម្មរបស់ខ្លួនផ្ទាល់ ដើម្បីឲ្យក្លិបមានទុនទិញយកខ្សែប្រយុទ្ធកំពុងឡើងជើងខ្លាំង Erling Haaland ពីក្លិប Borussia Dortmund មករួមក្រុមនៅទីផ្សារដោះដូររដូវក្ដៅខាងមុខនេះ។ គួរបញ្ជាក់ដែរថាក្រៅពី Barcelona នៅមានក្លិបធំៗជាច្រើនទៀតដែលកំពុងចង់់បាន Haaland ទៅរួមក្រុមមានដូចជា Real Madrid, Chelsea, Manchester United, Manchester City និង Liverpool​ ជាដើម៕ 

ប្រភព៖ sportsmole