កុំចេះតែហ៊ាន! ក្រោយទទួលបានកាតក្រហមថ្ងៃមុន ឥលូវលោក Koeman ត្រូវបាន LaLiga ពិន័យព្យួរការប្រកួតចំនួន....

អេស្ប៉ាញ៖ បន្ទាប់ពីទួទួលបានកាតក្រហម ក្នុងជំនួបដែល Barcelona ចាញ់ក្រុម Granada នៅក្របខណ្ឌ LaLiga កាលពីថ្ងៃសុក្រកន្លងទៅ ពេលនេះ គណៈកម្មាធិការវិន័យ របស់ LaLiga បានសម្រេចព្យួរលោក Ronald koeman ដែលជាអ្នកចាត់ការរបស់ក្រុមយក្សតំបន់កាតាឡាន់ ចំនួន២ប្រកួត។

ការពិន័យខាងលើ មានន័យថា គ្រូបង្វឹកសញ្ជាតិហូឡង់ នឹងមិនអាចចូលទីលានឈរបញ្ជាកូនក្រុមសម្រាប់ការប្រកួតបន្ទាប់ចំនួន២លើកឡើយ ដោយលោកត្រូវខកខានក្នុងជំនួបប៉ះក្រុម Valencia និង Atlético Madrid។

គួរបញ្ជាក់ដែរថា លោក Koeman រងពិន័យ ដោយសារលោកល្មើសនឹងមាត្រា១១៧ នៃក្រមវិន័យរបស់ LaLiga ដែលប្រឆាំងនឹងការមើលងាយ ឬមិនគោរពចំពោះអាជ្ញាកណ្តាល, អ្នកគ្រប់គ្រង ឬអាជ្ញាធរកីឡា៕

ប្រភព៖ AF
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖ 

https://t.me/khmerload