អង់គ្លេស៖ គ្រូបង្វឹករបស់ក្រុមបីសាចក្រហម Manchester United គឺ លោក Ole Gunner Solskjaer បានបង្ហាញពីទំនុកចិត្តរបស់លោកទៅលើម្ចាស់ក្លិបបីសាចក្រហម គឺ មហាសេដ្ឋីត្រកូល Glazer។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រូបង្វឹកសញ្ជាតិន័រវេសរូបនេះបាននិយាយថា លោកនៅតែមានការទុកចិត្តថា ត្រកូល Glazer នឹងនៅតែផ្តល់ការគាំទ្រផ្នែកហិរញ្ញវត្ថុដល់រូបលោក ក្រោយពេលដែលអ្នកគាំទ្ររបស់ក្រុមបីសាចក្រហម Manchester United គ្រោងធ្វើបាតុកម្មនៅមុនការប្រកួតរបស់ក្លិបជាមួយក្រុមហង្សក្រហម Liverpool។
តាមរយះរបាយការណ៏ដែលត្រូវបានគេដឹងថា អ្នកគាំទ្ររាប់ពាន់នាក់នឹងធ្វើដំណើរទៅកីឡដ្ឋាន Old Trafford នៅមុនការប្រកួតជាមួយក្រុម Liverpool ក្នុងក្របខ័ណ្ឌ Premier League នៅថ្ងៃអាទិត្យដើម្បីសំដែងការមិនពេញចិត្តរបស់ពួកគេចំពោះមហាសេដ្ឋីត្រកូល Glazer ។ ខណៈពេលដែលលោក Solskjaer លើកទឹកចិត្តអ្នកគាំទ្រឱ្យធ្វើការតវ៉ាដោយសន្តិវិធី ហើយសំលេងរបស់ពួកគេនេះហើយដែលអ្នកចាត់ការទូទៅរបស់ United ជឿជាក់ថាត្រកូល Glazer នឹងបន្តផ្តល់ជំនួយហិរញ្ញវត្ថុដើម្បីពង្រឹងក្រុមរបស់គាត់ជាបន្តទៀត៕