កូរ៉េខាងត្បូង៖ កាលពីមួយរយៈកន្លងទៅនេះ Soobin ប្រធានក្រុម TXT និងសមាជិករួមក្រុម Hueningkai បានធ្វើការផ្សាយបន្តផ្ទាល់ជជែកគ្នាជាមួយអ្នកគាំទ្រ ហើយ Soobin ក៏បានបង្ហើបពីការវិន័យនៃការញ៉ាំក្នុងផលិតកម្ម។ Soobin បានសារភាពប្រាប់ថា កាលពីពេលចេញសកម្មភាពក្នុងក្រុមដំបូងនៅសហរដ្ឋអាមេរិច ខ្លួនគាត់បានឡើងរហូតដល់ 6 គីឡូឯណោះក្នុងរយៈពេលត្រឹមមួយខែ។ ក្នុងនាមជាសិល្បករដែលត្រូវថែរាង តើខាងផលិតកម្មគិតយ៉ាងមេចទៅចំពោះការឡើងទម្ងន់នេះ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSoobin បាននិយាយថា: "ពេលទៅធ្វើការនៅអាមេរិក ខ្ញុំបានញ៉ាំច្រើនណាស់។ ញ៉ាំហើយញ៉ាំទៀត។ មកដល់កូរ៉េក៏វិញក៏ថ្លឹងគីឡូខ្លួនឯងហើយឃើញថាឡើង 6 គីឡូ។ ពេលនឹងគឺពិតជាភ្ញាក់ផ្អើលនឹងខ្លួនឯងហើយសូម្បីតែក្រុមការងារក៏ចឹងដែរ ទើបពួកគាត់ប្រាប់ឲ្យខ្ញុំបន្ថយការញ៉ាំដើម្បីសម្រកគីឡូ"។
គាត់ក៏បន្តទៀតថា: "ខាងផលិតកម្មឲ្យខ្ញុំបន្ថយការញ៉ាំតែមានសុវត្ថិភាព ប៉ុន្តែពួកគាត់អត់បានបង្ខំខ្ញុំនោះទេ។ ពួកគាត់ឲ្យខ្ញុំញ៉ាំតាមចិត្តចុះ តែក៏ត្រូវចេះគ្រប់គ្រងលើគីឡូខ្លួនឯង"។
Soobin ក៏ចាប់ផ្ដើមព្យាយាមសម្រកគីឡូខ្លួនឯងរហូតដល់ស្រកបាន ៩គីឡូ មុនការ comeback បទ «RUN AWAY»។
គាត់បង្ហាញប្រាប់ទៀតថា តាមពិតទៅគាត់មិនសូវខ្វល់រឿងនឹងប៉ុន្មានទេ គាត់ញ៉ាំតាមចិត្តចង់ហើយកផលិតកម្មក៏មិនថាអ្វីដែរ។ ម៉្យាងទៀតគីឡូគាត់ឡើងនៅពេលទំនេរជារឿងធម្មតាហើយ រហូតដល់រដូវកាលធ្វើការដែលទាមទារការហ្វឹកហាត់ក្បាច់រាំច្រើននិងភាពរវល់ទៀតនោះ គីឡូរបស់គាត់នឹងស្រកដោយឯកឯង។ ម៉្យាងទៀត ក្រុម TXT ទើបតែប្រកាសថានឹងចេញ album ថ្មីមានចំណងជើងថា FREEZE នៅថ្ងៃទី 31 ខែ ឧសភា 2021 នេះហើយ ដូច្នេះសូមអ្នកគាំទ្រទាំងអស់ផ្ដល់ជាកម្លាំងចិត្តដល់ TXT ឲ្យបានច្រើនៗផង៕