អ្នកចាត់ការ Spurs ថាក្លិបមិនធ្វើរឿងនេះក៏ Kane ព្រមស្នាក់នៅបន្តដែរ

បរទេស៖ ជាមួយនឹងទម្រង់លេងមិនល្អរបស់ Tottenham Hotspur និងភាពបរាជ័យក្នុងការឈ្នះពានរង្វាន់នានា កីឡាករជាច្រើននៅក្នុងក្រុមមាន់ខ្នាយមាសមួយនេះក៏មានចិត្តចង់ចាកចេញ ជាពិសេសជាមួយនឹងកត្តាដែល Spurs ប្រហែលជាគ្មានកៅអី UEFA Champion League ទៀតនោះ។ ប៉ុន្តែទោះជាយ៉ាងណាក្តី លោក Ryan Mason ដែលជាអ្នកចាត់ការរបស់ក្លឹបបាននិយាយថា​ ទោះជាគ្មានកៅអី Champion League ក៏ក្លិបអាចរក្សា Harry Kane បានដែរព្រោះខ្ញុំស្គាល់គេច្បាស់ណាស់ គេស្រឡាញ់ក្លិបបាល់ទាត់មួយនេះណាស់ គេមិនចាកចេញឡើយ។ 

គួរបញ្ជាក់ផងដែរថា កាលពីពេលកន្លងទៅមានពាក្យចចាមអារ៉ាមជាច្រើនទាក់ទងនឹងការចាកចេញ និងចំណាប់អារម្មណ៍ផ្សេងៗផងដែរ ប៉ុន្តែពុំទាន់មានព័ត៌មានផ្លូវការណាមួយបញ្ជាក់ពីការចាកចេញរបស់គេឡើយ៕