ញាក់សាច់!​ Neymar បោះពាក្យផ្តាំ Man City យ៉ាងឡូយថា....

បរទេស៖ ការប្រកួតពានរង្វាន់ UEFA Champions League វគ្គ៤ក្រុមចុងក្រោយ (Semi Final) ជើងទី១រវាងក្រុមអ្នកមានបារាំង Paris Saint-Germain និងក្រុមមេឃខៀវ Manchester City បានបញ្ចប់ទៅដោយលទ្ធផលម្ចាស់ផ្ទះ​ PSG 1-2 Man City ដែលជ័យជម្នះនេះទៀតសោតគឺធ្វើឱ្យក្រុមមេឃខៀវ Man City ចំណេញច្រើនពីការប្រកួតជើងទី១នេះ។

ក្រោយការប្រកួតជើងទី១បញ្ចប់កាលពីពេលថ្មីៗកន្លងមកនេះ ស្រាប់តែខ្សែប្រយុទ្ធឆ្នើមប្រចាំក្រុមអ្នកមានបារាំង Paris Saint-Germain កីឡាករ Neymar Jr បានលើកឡើងនៅលើបណ្តាញសង្គមហ្វេសប៊ុកផេកផ្លូវការរបស់ខ្លួនផ្តាំផ្ញើទៅកាន់ក្រុមគូប្រជែង Man City ដោយបង្ហាញពីភាពជឿជាក់ថានឹងអាចទទួលបានជ័យជម្នះវិញនៅជើងទី២ ។

តារាឆ្នើមសញ្ជាតិប្រេស៊ីលរូបនេះបានបង្ហោះសារលើបណ្តាញសង្គមយ៉ាងដូច្នេះថា៖ «ទោះយើងចាញ់នៅក្នុងសមរភូមិ ប៉ុន្តែសង្គ្រាមនៅតែបន្ត។ ខ្ញុំជឿជាក់លើក្រុមរបស់ខ្ញុំ ខ្ញុំជឿជាក់ថា យើងអាចនឹងល្អជាងពីមុន។ ទោះឱកាសនៅសល់ត្រឹមតែ ១% តែយើងជឿជាក់ ៩៩%»។

សូមបញ្ជាក់ផងដែរថា ការប្រកួតជើងទី២ក្នុងពានរង្វាន់ UEFA Champions League រវាងក្រុមទាំងពីរនឹងធ្វើឡើងនៅវេលាម៉ោង០២ និង០០នាទីរំលងអធ្រាត្រ (ម៉ោងនៅកម្ពុជា) ឈានចូលថ្ងៃទី០៥ ខែឧសភា ឆ្នាំ២០២១ ដោយក្រុមមេឃខៀវ Manchester City ត្រូវបើកទ្វារពហុកីឡដ្ឋានស្វាគមន៍ក្រុមអ្នកមានបារាំង Paris Saint-Germain ដើម្បីកាត់សេចក្តីចុងក្រោយថា តើក្រុមមួយណាត្រូវឡើងទៅប្រកួតវគ្គផ្តាច់ព្រ័ត្រនៃពានរង្វាន់ UEFA Champions League ៕