Liverpool នាំមុខគេក្នុងការប្រជែងយកខ្សែប្រយុទ្ធ ១រូបពី PSV

បរទេស៖ រដូវកាលបាល់ទាត់ក្នុងឆ្នាំ ២០២១ ក៏កាន់តែជិតដល់ទីបញ្ជប់ ចំណែកឯក្លិបនីមួយៗក៏មានភាពប្រកួតប្រជែងយ៉ាងក្តៅគគុកទាំងក្នុងនិងក្រៅទីលាន ដើម្បីទទួលបានលទ្ធផលល្អ និងដើម្បីប្រជែងយកកីឡាករល្អៗមកចូលរួម។

ជាមួយគ្នានេះដែរ ក្លិបយក្សហង្សក្រហមពេលនេះហាក់កំពុងមានប្រៀបជាងគេក្នុងការនាំយកខ្សែប្រយុទ្ធឆ្នើមរបស់ PSV Eindhoven កីឡាករ Donyell Malen ដែលទទួលបានចំណាប់អារម្មណ៍ពីក្លឹបធំៗជាច្រើនដូចជាអ្នកមានបុណ្យ FC Barcelona សេះបង្កង Juventus និង Liverpool ជាដើម។ នៅពេលនេះក្រុមរបស់លោក Klopp បានត្រៀមកញ្ចប់ថវិកាជាង ២៥លានផោនរួចរាល់ហើយដើម្បីនាំយករូបគេមកជំនួស Divock Origi ៕