សង្វេគណាស់ ពេលនេះគ្រួសារបានមកទទួលសពរបស់តារាកំប្លែង Nakom ធ្វើបុណ្យតាមប្រពៃណីរសៀលនេះហើយ

ថៃ៖ បន្ទាប់ពីមានសេចក្ដីរាយការណ៍ពីដំណឹងដ៏ក្រៀមក្រំទាក់ទងនឹងការបានបង់ជីវិតរបស់តារាកម្លែងដ៏ល្បីគឺNaKom  ដោយសារជំងឺកូវីដ១៩ រួចមក បានធ្វើឱ្យអ្នកនៅក្នុងរង្វង់សិល្បៈ និងមហាជនអ្នកគាំទ្រទូទាំងក្នុងប្រទេសថៃ និង ក្រៅប្រទេសមានការតក់ស្លុត និងមានការសោកស្ដាយជាខ្លាំង ។

នៅថ្ងៃទី៣០ ខែ មេសា ឆ្នាំ២០២១ មានសេចក្ដីរាយការណ៍ថាលោក Nakom បានទទួលមរណភាពនៅក្នុងមន្ទីរពេទ្យមួយកន្លែង បន្ទាប់ពីលោកបានសម្រាកព្យាបាលជំងឺកូវីដ១៩ ហើយអាការរបស់លោកមានសភាពធ្ងន់ធ្ងរពេក ទើបលោកមិនអាចតស៊ូជាមួយជំងឺមួយនេះបានតទៅទៀត។

នៅក្នុងពេលថ្មីៗនេះក្រុមគ្រួសាររបស់ Nakom បានធ្វើដំណើរទៅកាន់មន្ទីរពេទ្យ ដើម្បីទៅទទួលសពរបស់ លោកNakom យកមកធ្វើបុណ្យតាមប្រពៃណី នៅវេលាម៉ោង ៣រសៀលនេះហើយ។

សម្រាប់សពរបស់ Nakom វិញដោយសារដែលលោកបានបាត់បង់ជីវិតដោយសារតែជំងឺកូវីដ១៩  ដូច្នេះហើយខាងមន្ទីរពេទ្យបានធ្វើការរុំនិង រៀបចំសាកសពដោយការយកចិត្តទុកដាក់បំផុត គឺ ក្រុមគ្រូពេទ្យបានរុំក្នុងថង់ជាច្រើនជាន់និងដាក់សពក្នុងមឈូសចំនួន៣ជាន់និងធ្វើការចាក់សោយ៉ាងជិត មុននិងប្រគល់សាកសពជូនក្រុមគ្រួសារ ព្រមទាំងមិនអនុញ្ញាតឱ្យបើកមើលនោះទេ។

រឿងនេះវាពិតជាសង្វេគខ្លាំងណាស់សម្រាប់គ្រួសារ Nakom និងមហាជនជាច្រើនដែលកំពុងតែកាន់ទុក្ខ ៕

   Join Us ៖ https://t.me/khmerload