សុទ្ធតែជើងខ្លាំង! Van Gaal ថាកាលនៅដឹកនាំ Man UTD គ្រូចង់ទិញយកតារាឆ្នើម១០រូបនេះណាស់

ខ្ញុំចង់បាន Robert Lewandowski ប៉ុន្តែពេលការទិញយកគេវាមើលទៅមិនអាចទៅរួច ខ្ញុំក៏ប្ដូរចង់ទិញយក Gonzalo Higuain វិញ។ មុនពេលខ្ញុំមកដល់ Old Trafford ខ្ញុំក៏បាននិយាយជាមួយក្លិបទាក់ទងនឹងការទិញយក Neymar ផងដែរ។ បើសិនអ្នកនៅ Man UTD គឺអ្នកត្រូវតែមានមហិច្ឆតាខ្ពស់ ហើយខ្ញុំក៏ចង់បាន Sadio Mane និងRiyad Mahrez ដែរ។ Thomas Muller ក៏ជាកីឡាករដែលស្ថិតក្នុងបញ្ជីរបស់ខ្ញុំដែរ ហើយនៅតំបន់បម្រើកណ្ដាលគឺខ្ញុំចង់បាន N'Golo Kante ក្រៅពីនោះខ្ញុំក៏ព្យាយាមទិញយក James Milner ដែលបើទោះបីជាគេមានអាយុរាងជ្រេក៏ដោយព្រោះគេអាចលេងបានច្រើនតំបន់ និងមានភាពជាអ្នកដឹកនាំ។សម្រាប់តំបន់ការពារ ខ្ញុំចង់បាន Sergio Ramos និង Mat Hummelsព្រោះកាលណោះតំបន់ការពារយើងនៅអន់។ទាំងអស់នេះជាគោលដៅធំរបស់ខ្ញុំប៉ុន្តែពួកយើងមិនអាចទិញយកពួកគេបានឡើយ ខ្ញុំក៏មិនដឹងដែរ ព្រោះគ្រូបង្វឹកមិនបានចូលរួមដឹងឮក្នុងដំណើរការចរចានោះឡើយ។ បន្ទាប់ពីខ្ញុំចាកចេញ កីឡាករដូចជា Kante និង Mahrez ទៅលេងឲ្យ Man City និងChelsea ហើយ Man UTD នៅតែយកពួកគេមិនបាន។