អតីតអនុប្រធានក្លិប Barcelona រំពឹងទុកថា Lionel Messi នឹងមិនចាកចេញពីក្លិប

បរទេស៖​ អតីតអនុប្រធានក្លិប Barcelona លោក Jordi Mestre ជឿជាក់ថា Lionel Messi ចុះកុងត្រាថ្មីហើយនឹងមិនចាកចេញពីក្លិបនេះ។

កីឡាករអន្តរជាតិអាហ្សង់ទីនរូបនេះបាននិយាយពីការផ្លាស់ពី Camp Nou ហើយនឹងមើលឃើញកិច្ចព្រមព្រៀងបច្ចុប្បន្នរបស់ខ្លួននឹងផុតកំណត់នៅខែមិថុនាខាងមុខនេះ។

មានក្លិបធំ២គឺ Manchester City និង Paris Saint-Germain កំពុងតែនាំមុខក្នុងការចុះហត្ថលេខាលើកីឡាករវ័យ ៣៣ ឆ្នាំរូបនេះ ហើយមានតែក្លិប២ ប៉ុណ្ណោះដែលអាចទទួលបានប្រាក់ឈ្នួលរបស់គាត់។

ទោះយ៉ាងណាក៏ដោយលោក Mestre បានប្រាប់សារព័ត៌មានអេស្ប៉ាញថា កីឡាករ Messi នឹងបន្តនៅឯ Barcelona ប៉ុន្តែគាត់ក៏បាននិយាយបន្ថែមទៀតថា បើសិនកីឡាករ Messi ចាកចេញនោះគឺមិនមែនព្រោះតែលុយនោះទេ។

Messi ដែលបាននៅជាមួយក្លិប Catalan តាំងពីឆ្នាំ ២០០៤ នោះនឹងធ្វើការសម្រេចចិត្តលើអនាគតរបស់គាត់នៅចុងបញ្ចប់នៃរដូវកាលនេះ។

ក្រុម Barcelona មិនទាន់បានបើកកិច្ចពិភាក្សាជាមួយម្ចាស់ពានរង្វាន់ Ballon d’Or ចំនួន ៦ ដងលើកិច្ចសន្យាថ្មីនៅឡើយទេ ប៉ុន្តែពួកគេសង្ឃឹមថានឹងចាប់ផ្តើមចរចាឆាប់ៗនេះ។ ទោះយ៉ាងណានៅពេលក្លិបកំពុងមានវិបត្តិហិរញ្ញវត្ថុបែបនេះជាមួយនឹងបំណុលសរុបជាង ១ កោដិ ក្រុមបាសេឡូណាបានពន្យាពេលពិភាក្សាជាមួយ Messi ព្រោះពួកគេនឹងរកដំណោះស្រាយថ្មីសម្រាប់ធ្វើកិច្ចសន្យាថ្មីដល់កីឡាកររូបនេះ៕