បន្ទាន់! រកឃើញអ្នកផ្ទុកកូវីដ-១៩ ធ្លាប់ទៅទទួលសេវា នៅមន្ទីរពេទ្យមួយកន្លែងនេះ ក្នុងសង្កាត់ផ្សារថ្មី៣

ភ្នំពេញ៖ យោងតាមសេចក្ដីជូនដំណឹងរបស់ អនុគណៈកម្មការស្រាវជ្រាវជំងឺកូវីដ១៩ នៅរសៀលថ្ងៃទី ២៩ ខែមេសានេះ បានឱ្យដឹងថា អនុគណៈកម្មការប្រកាសរកឃើញ អ្នកឆ្លងកូវីដ១៩ បានទៅពិនិត្យផ្ទៃពោះនៅ មន្ទីរពេទ្យ សង់ត្រាល់​ (CENTRAL Hospital) ដែលមានទីតាំងស្ថិតនៅផ្ទះលេខ ៨២ A​ ផ្លូវលេខ ១៥៤ សង្កាត់ផ្សារថ្មី៣ ខណ្ឌដូនពេញ ចាប់ពីថ្ងៃទី២៧ ដល់ថ្ងៃទី២៩ ខែមេសា ឆ្នាំ២០២១។

អាស្រ័យហេតុនេះ សូមបងប្អូនប្រជាពលរដ្ឋ ដែលទៅទទួលសេវានៅទីតាំងខាងលើ សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ៕

សម្រាប់ព័ត៌មានបន្ថែម សូមចុច៖ https://t.me/khmerload

ប្រភព៖ អនុគណៈកម្មការស្រាវជ្រាវជំងឺកូវីដ១៩