បរទេស៖ យោងតាមរបាយការណ៍ចេញពីទីភ្នាក់ងារអវកាសណាសាបានឲ្យដឹងថា រ៉ុក្កែត SpaceX បានហៀបនឹងប៉ះទង្គិចគ្នាជាមួយវត្ថុដែលមិនស្គាល់អត្តសញ្ញាណមួយ (unidentified flying object)។

ក្រុមអវកាសយានិកក្នុងយានរួមមានអ្នកស្រី Megan McArthur, លោក Shane Kimbrough, លោក Thomas Pesquet និងលោក Akikho Hoshide ត្រូវបានជូនដំណឹងដោយទីបញ្ជាការអវកាសសហរដ្ឋអាមេរិក (United States Space Command) ថាយានរបស់ពួកគេអាចនឹងប៉ះទង្គិចគ្នាជាមួយវត្ថុដែលមិនស្គាល់នេះ។

ទីភ្នាក់ងារអវកាសអាមេរិកណាសាបានសម្រេចចិត្តជូនដំណឹងដល់ក្រុមអវកាសយានិក ដោយសារមិនមានពេលវេលាគ្រប់គ្រាន់ដើម្បីអនុវត្តសមយុទ្ធបញ្ចៀស។ ដោយហេតុផលនេះ ក្រុមអវកាសយានិកបានស្លៀកឈុត pressurized suits ដើម្បីជាការការពារ។

ជាសំណាងល្អ មិនមានការប៉ះទង្គិចអ្វីកើតឡើងនោះទេ ព្រោះវត្ថុមិនស្គាល់អត្តសញ្ញាណនោះស្ថិតនៅចម្ងាយ45 គីឡូម៉ែត្រពីយានអវកាស ហើយទីបំផុតយានអវកាសរបស់អវកាសយានិកទាំង4នាក់បានទៅដល់ស្ថានីយអវកាសអន្តរជាតិ (ISS) បានដោយជោគជ័យនៅថ្ងៃទី24 ខែមេសា ដើម្បីចូលរួមបេសកកម្ម Crew-2៕

Join us: https://t.me/khmerload

ក្រុមអវកាសយានិកទាំងបួននាក់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ