អ៊ីតាលី៖ លោកគ្រូបង្វឹករបស់ក្លិប Roma គឺ Paulo Fonseca បាននិយាយថា កូនក្រុមរបស់លោកមិនអាចចូលទៅលេងនៅទឹកដី Old Trafford ដោយប្រើទម្រង់ការពារតែមួយមុខនោះឡើយប៉ុន្តែលោកគ្រូសង្ឃឹមថានឹងអាចវាយបំបែក Manchester United និងស្រវាយកជ័យជម្នះបាន។
Roma នឹងត្រូវជួបប្រកួតតទល់ជាមួយភាគីលោកគ្រូបង្វឹក Ole Gunnar Solskjaer ក្នុងការប្រកួតជើងទី១ នៃពាន Europa League វគ្គពាក់កណ្ដាលផ្ដាច់ព្រ័ត្រនៅថ្ងៃទី៣០ ខែឧសភា វេលាម៉ោង២រំលងអាធ្រាត្រនេះហើយដែលវាចាត់ទុកជាភារកិច្ចលំបាកមួយសម្រាប់ Roma ព្រោះ Manchester United ជាជើងខ្លាំងនៅ Europa League ដែលទើបរបូតគ្រាប់បាល់១គ្រាប់គត់ក្នុងក្របខណ្ឌនេះនិងធ្លាប់បានទម្លាក់ Real Sociedad, AC Milan និង Granada ទៀតផង។
លោកគ្រូ Foncesa បានថ្លែងប្រាប់ ESPN ថា៖
Manchester United មានកីឡាកខ្លាំងៗដូចជា Edinson Cavani, Marcus Rashford, Mason Greenwood និង Daniel James ដែលសុទ្ធតែជាកីឡាកររត់លឿន អ៊ីចឹងហើយទើបខ្ញុំមិនចង់ប្រើក្បួនដឹកនាំក្រុមឲ្យសម្រុកទៅពួកគេជ្រៅពេកទេព្រោះខ្លាចពួកគេប្រើក្បាច់វាយបកមកវិញ។ ពួកគេទាំងប៉ុន្មាននាក់នេះជាកីឡាករដ៏អស្ចារ្យដែលអាចសម្រេចលទ្ធផលប្រកួតបាន ដូច្នេះពួកយើងត្រូវតែត្រៀមខ្លួន ប៉ុន្តែខ្ញុំនឹងសារភាពតែម្ដងថា ពួកយើងមិនអាចទៅលេងការពារសុទ្ធនៅក្នុងការប្រកួតនេះបានឡើយ។ ពួកយើងត្រូវតែស្វែងរកឱកាសគ្រប់គ្រងបាល់ និងត្រូវតែមានចិត្តក្លាហានប្រឈមជាមួយ Manchester United ។
ក្រៅពីនោះលោកគ្រូក៏បានកោតសរសើរ ខ្សែបម្រើBruno Fernandes ដែរដោយបន្តថា៖
អ្វីដែល Bruno បានធ្វើនៅ Sporting និង Man UTD គឺពិតជាអស្ចារ្យ។ គេមកដល់ Man UTD រាងយឺតបន្តិចប៉ុន្តែគេបានរៀនសូត្រច្រើនណាស់។អ្វីដែលខ្ញុំចាប់អារម្មណ៍នោះគឺអត្តចរិតរបស់គេតែម្ដង គេមានទាំងគុណភាពនិងមានភាពជាអ្នកដឹកនាំ ហើយនិងឆ្លាតវៃណាស់។ ខ្ញុំមិនភ្ញាក់ផ្អើលទេពេលឃើញគេក្លាយជាអ្នកដឹកនាំក្រុមមួយរូប។
ប្រភព៖ express
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload
Bong I.T