មិនមើលស្រាលទេ! គ្រូបង្វឹក Roma ថាកីឡាករ Man UTD ៤ រូបនេះពិតជាគ្រោះថ្នាក់ណាស់
កីទ្បា
២៩-មេសា-២០២១ ៩ព្រឹក · ៣ ឆ្នាំមុន
គ្រូរបស់ Roma ប្រាប់ពីជើងខ្លាំងដ៏គួរឲ្យញញើតរបស់ Man UTD
អ៊ីតាលី៖ លោកគ្រូបង្វឹករបស់ក្លិប Roma គឺ Paulo Fonseca បាននិយាយថា កូនក្រុមរបស់លោកមិនអាចចូលទៅលេងនៅទឹកដី Old Trafford ដោយប្រើទម្រង់ការពារតែមួយមុខនោះឡើយប៉ុន្តែលោកគ្រូសង្ឃឹមថានឹងអាចវាយបំបែក Manchester United និងស្រវាយកជ័យជម្នះបាន។
Roma នឹងត្រូវជួបប្រកួតតទល់ជាមួយភាគីលោកគ្រូបង្វឹក Ole Gunnar Solskjaer ក្នុងការប្រកួតជើងទី១ នៃពាន Europa League វគ្គពាក់កណ្ដាលផ្ដាច់ព្រ័ត្រនៅថ្ងៃទី៣០ ខែឧសភា វេលាម៉ោង២រំលងអាធ្រាត្រនេះហើយដែលវាចាត់ទុកជាភារកិច្ចលំបាកមួយសម្រាប់ Roma ព្រោះ Manchester United ជាជើងខ្លាំងនៅ Europa League ដែលទើបរបូតគ្រាប់បាល់១គ្រាប់គត់ក្នុងក្របខណ្ឌនេះនិងធ្លាប់បានទម្លាក់ Real Sociedad, AC Milan និង Granada ទៀតផង។