អ៊ីតាលី៖ ក្លិបសេះបង្កង់ Juventus គ្រោងនឹងលក់ ខ្សែបម្រើ Adrien Rabiot ចេញក្នុងតម្លៃធូរថ្លៃដើម្បីយកប្រាក់នោះមកផ្គត់ផ្គង់ក្លិបដែលកំពុងទទួលរងវិបត្តិហិរញ្ញវត្ថុ ក៏ដូចជាសម្រាលបន្ទុករឿងចាយវាយថ្លៃហត់នឿយរបស់កីឡាករក្នុងក្រុមផងដែរ។
យោងតាមសារព័ត៌មាន Calciomercato បានបង្ហើបថាក្លិបមួយនេះបានដាក់សំណើយកកីឡាករវ័យ២៦ឆ្នាំរូបនេះទៅឲ្យក្លិបអ្នកមានបុណ្យ Barcelona និង Everton ដើម្បីឲ្យក្លិបទាំងពីរពិចារណាទិញយក។
ម្យ៉ាងទៀត Juventus ក៏ចង់យកលុយទិញខ្សែប្រយុទ្ធ Moise Kean ពី Everton មកវិញផងដែរស្របពេលដែលកីឡាកររូបនេះកំពុងលេងខ្ចីជើងនៅក្លិប Paris Saint-Germain ដូច្នេះក្លិបមានជម្រើសពីរគឺត្រូវបង់លុយ ៤៣.៤លានផោន(ស្មើនឹងប្រមាណ ៦០.៣លានដុល្លារ) ឬ យក Rabiot ទៅចរចាជាមួយ Everton ។
Adrien Rabiot ផ្ទេរពី PSG មកលេងនៅ Juventus ដោយគ្មានតម្លៃខ្លួនកាលពីរដូវក្ដៅឆ្នាំ២០១៩ ស្របពេលកុងត្រារបស់គេជាមួយក្លិបគឺនៅមានសុពុលភាពរហូតដល់ពីរឆ្នាំទៀតឯណោះ។
យ៉ាងណាមិញ បើទោះបីជាគេកំពុងត្រូវក្លិបចង់ដាក់លក់ក៏ដោយក៏កីឡាករសញ្ជាតិបារាំងរូបនេះនៅតែបានចូលលេងដល់ទៅ៤០ប្រកួតនៅរដូវកាលនេះ ខណៈ Juventus កំពុងតែចាញ់ពិន្ទុក្រោមកំពូលតារាង Inter Milan ដល់ទៅ១៣ពិន្ទុឯណោះ៕
ប្រភព៖ dailymail
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload