Raymond Lam និង Carina Zhang បង្ហាញពីដំណើររឿងរ៉ាវស្នេហាដែលនាំឱ្យពួកគេបានជួបគ្នា

ហុងកុង៖ ទំនាក់ទំនងរបស់ Raymond Lam និង Carina Zhang បានបង្ហាញពីចំណុចលេចធ្លោនៅក្នុងកម្មវិធី Viva La Romance ៥  របស់ប្រទេសចិន។ ដោយសេចក្តីស្រឡាញ់ចំពោះគ្នាទៅវិញទៅមកត្រូវបានបើកចំហពួកគេបានបង្ហាញពីរបៀបដែលពួកគេបានជួបគ្នាជាលើកដំបូង។

ដូចដែលបានបង្ហាញនៅលើកម្មវិធី មិត្តភក្តិជិតស្និទ្ធរបស់ Carina ដែលជាអ្នកគាំទ្ររបស់ Raymond តារាម៉ូដែលរូបនេះបានព្យាយាមជួយមិត្តភក្តិររបស់នាងដើម្បីឱ្យពួកគេបានជួបគ្នា។ ដោយមានភាពទាក់ទាញពីបុគ្គលិកលក្ខណៈសុចរិតរបស់ Carina គាត់បានសារភាពថាគាត់គឺជាមនុស្សដែលតាមស្រឡាញ់នាង។

ទោះជាយ៉ាងណាក៏ដោយទស្សនិកជនជាច្រើនមានចម្ងល់ថា តើនេះពិតជាវិធីដែលគូស្នេហ៍មួយនេះបានជួបគ្នាពិតមែននោះ។ រឿងរ៉ាវផ្សេងទៀតនៃរឿងនេះបានផ្សព្វផ្សាយមុននេះរួចមកហើយ។ បន្ទាប់ពីបែកបាក់ជាមួយ Karena Ng ក្នុងឆ្នាំ ២០១៨ ឪពុកម្តាយរបស់ Raymond បានរៀបចំអាហារពេលល្ងាចឱ្យគាត់ជួបជាមួយនឹង Carina ហើយនាងក៏មានអារម្មណ៍ល្អចំពោះគាត់ភ្លាមៗនោះដែរ។ នៅក្នុងឆ្នាំតែមួយនៃខែមីនាអ្នកទាំងពីរត្រូវបានគេមើលឃើញថាបានទៅទស្សនានៅឧទ្យានមហាសមុទ្រហុងកុងជាមួយគ្នាដែលនាំឱ្យទំនាក់ទំនងរបស់ពួកគេមានពន្លឺឡើង។ Raymond បានយកចិត្តទុកដាក់យ៉ាងខ្លាំងនិ ងបានមើលថែ Carina យ៉ាងល្អនៅថ្ងៃណាត់ជួបគ្នានោះ។ ជាងនេះទៀតពួកគេក៏ធ្លាប់បានជួបគ្នានៅក្នុងបារផងដែរ។

ទោះបីជាយ៉ាងណាក៏ដោយក៏មានមនុស្សជាច្រើនមិនជឿថាបញ្ហានេះបានជំរុញឱ្យពួកគេឈានដល់ការរៀបអាពាហ៍ពិពាហ៍នោះទេ។ ជារឿយៗគូស្នេហ៍មួយគូនេះត្រូវបានគេមើលឃើញថាស្រលាញ់គ្នាណាស់ ហើយ Raymond ពិតជាមើលថែភរិយារបស់គាត់បានយ៉ាងល្អ។ អ្នកគាំទ្រជាច្រើនបានផ្ញើពរជ័យរបស់ពួកគេទៅឱ្យគូស្វាមីភរិយាគូនេះឱ្យមានសុភមង្គលជាមួយគ្នាពេញមួយជីវិត៕

សូមទស្សនារូបភាពខាងក្រោម៖ 

ប្រភព៖ Jayne Stars