ក្រុមហ៊ុនរថយន្ត Toyota ត្រៀមទិញយកក្រុមហ៊ុនរថយន្តបើកដោយស្វ័យប្រវត្តិ Lyft

អាមេរិក៖ ទឹកប្រាក់ប្រមាណជា៥៥០លានដុល្លារ ត្រូវបានក្រុមហ៊ុនរថយន្ត Toyota គ្រោងចំណាយដើម្បីបញ្ជាទិញក្រុមហ៊ុន Lyft ដែលជាក្រុមហ៊ុនបច្ចេកវិទ្យារថយន្តបើកបរដោយស្វ័យប្រវត្តិ ក្នុងគោលបំណងលើកកម្ពស់ការអភិវឌ្ឍរថយន្តបើកបរដោយស្វ័យប្រវត្តិរបស់ខ្លួន។

ក្រុមហ៊ុនទាំង២បានព្រមព្រៀងគ្នា ដោយ ក្រុមហ៊ុន Lyft នឹងទទួលបានសាច់ប្រាក់ប្រមាណជា២០០លានដុល្លារភ្លាមៗ និង ៣៥០លានដុល្លារក្នុងរយៈពេល៥ឆ្នាំបន្ទាប់។

យ៉ាងណាមិញ ក្រុមហ៊ុន Lyft បានចុះកិច្ចព្រមព្រៀងលក់នៅក្នុងកម្រិតមួយដែលស្ទើរតែផ្ដល់សិទ្ធិទាំងមូលឱ្យទៅ Toyota ទៅហើយ ដូច្នេះ ក្រុមហ៊ុនផលិតរថយន្តយក្សរបស់ជប៉ុនខាងលើមានសិទ្ធិក្នុងការគ្រប់គ្រង និងបង្កើតក្រុមការងារថ្មីបានរហូតដល់៣០០នាក់នៅលើទឹកដីសហរដ្ឋអាមេរិកដោយស្របច្បាប់៕