អេស្ប៉ាញ៖ លោកគ្រូបង្វឹក Thomas Tuchel បានដឹកនាំក្រុមតោខៀវ Chelsea ទៅប្រកួតវគ្គពាក់កណ្ដាលផ្ដាច់ព្រ័ត្រក្របខណ្ឌ Champions League ទល់នឹង Real Madrid កាលពីយប់មិញដោយលទ្ធផលនៃការប្រកួតគឺក្រុមទាំងពីរលេងបានត្រឹមស្មើគ្នា ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើ Christian Pulisic រកបាន១គ្រាប់នៅនាទីទី១៤បើកឆាកឲ្យ Chelsea នាំមុខ ប៉ុន្តែ១៥នាទីក្រោយមក ខ្សែប្រយុទ្ធ Karim Benzema រកបាន១គ្រាប់តាមស្មើវិញទើបការប្រកួតបញ្ចប់ដោយលទ្ធផល ១ ទល់នឹង ១ ។
ប៉ុន្តែបើទោះបីជា Chelsea មិនទាន់អាចឈ្នះវ៉ាដាច់ Real Madrid ក៏ដោយក៏ ក្នុងការប្រកួតនេះដែរ លោកគ្រូបង្វឹក Thomas Tuchel បានបំបែកកំណត់ត្រាក្លាយជាគ្រូបង្វឹកនៅ Champions League ដំបូងគេបង្អស់ដែលដឹកនាំក្រុមឲ្យប្រកួតមិនដែលចាញ់ Real Madrid ក្នុងការប្រកួតទាំង៥ដំបូងគេ។
យោងតាម Opta គឺ Tuchel បានដឹកនាំក្រុមឲ្យតទល់នឹងReal Madrid បានច្រើនដងប៉ុន្តែមិនសូវស្គាល់ពាក្យថាចាញ់ទល់នឹងក្លិបគីឡូធ្ងន់នៅ UCL នេះឡើយ។
Tuchel ធ្លាប់ដឹកនាំក្រុមដូចជា FC Augsburg II ,Mainz 05 ,Borussia Dortmund, Paris Saint-Germain មុននឹងផ្ទេរមក Chelsea កាលពីខែមករា ឆ្នាំ២០២១។
យ៉ាងណាមិញ លោកគ្រូបង្វឹកវ័យ៤៧ឆ្នាំរូបនេះនៅតែមិនអស់ចិត្តនិងគិតថា Chelsea គួរតែធ្វើបានល្អជាងនេះក្នុងការប្រកួតទល់នឹង Real Madrid ខណៈការប្រកួតជើងទី២ដែល Chelsea ត្រូវធ្វើជាម្ចាស់ផ្ទះ ប្រព្រឹត្តិទៅនៅថ្ងៃទី ៦ ខែឧសភា ឆ្នាំ២០២១ នេះហើយ៕
ប្រភព៖ thesun
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload