អង់គ្លេស៖ ក្លិបហង្សក្រហម Liverpool ត្រូវបានគេរាយការណ៍ថាកំពុងនាំមុខគេក្នុងការប្រមាញ់យក ខ្សែប្រយុទ្ធ Donyell Malen ដែលបច្ចុប្បន្នលេងឲ្យក្លិប PSV នេះបើយោងតាមសារព័ត៌មាន Voetbal Internacional ។
កីឡាករវ័យ២២ឆ្នាំរូបនេះបានក្លាយជាតារាលេចធ្លោម្នាក់ប្រចាំក្លិប PSV បន្ទាប់ពីចាកចេញពីក្លិបកាំភ្លើងធំ Arsenal កាលពីឆ្នាំ២០១៥ ដល់ឆ្នាំ២០១៧ នៅក្នុងឈុតយុវជនដោយមុនពេលនោះគេក៏ធ្លាប់បានចូលលេងនៅក្លិបយុវជនរបស់ Ajax ឯប្រទេស ហូឡង់ ផងដែរ។
ឥលូវនេះ Malen អាចនឹងវិលត្រឡប់មកលេងនៅក្របខណ្ឌ Premier League វិញ ខណៈដែល ភាគីរបស់លោកគ្រូបង្វឹក Jurgen Klopp ត្រូវបានគេរាយការណ៍ថាកំពុងត្រៀមខ្លួនទិញយកកីឡាករសញ្ជាតិហូឡង់រូបនេះហើយ។
ក្រៅពី Liverpool ក្លិបដទៃទៀតដូចជា Barcelona, Juventus និង AC Milan ក៏កំពុងសម្លឹងមើលស្ថានភាពរបស់ Malen នៅ PSV ដូចគ្នា ដោយគេរំពឹងទុកថាតម្លៃខ្លួនរបស់ខ្សែប្រយុទ្ធរូបនេះគឺខ្ទង់ ២៧លានផោន(ស្មើនឹងប្រមាណ៣៧.៤លានដុល្លារ)៕
ប្រភព៖ caughtoffside
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖