បរទេស៖ ក្រុមហ៊ុន Apple បានបញ្ចេញប្រព័ន្ធប្រតិបត្តិការ iOS 14.5 ដែលជាការអាប់ឌែតកម្មវិធីដ៏ធំមួយសម្រាប់ទូរសព្ទ iPhone កាលពីថ្ងៃចន្ទ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការអាប់ឌែតបានបន្ថែមមុខងារថ្មីៗជាច្រើនដូចជាការបន្ថែមសំឡេងរបស់ Siri, Podcasts, Apple News និងការគាំទ្រទៅលើឧបករណ៍បញ្ជាហ្គេមចុងក្រោយបំផុត។
ប៉ុន្តែអ្វីដែលគួរឱ្យចាប់អារម្មណ៍ននោះគឺការផ្លាស់ប្តូរថ្មីទៅលើ privacy របស់ Apple ដែលផ្តល់ឱ្យអ្នកប្រើប្រាស់នូវតម្លាភាព និងការគ្រប់គ្រងលើកម្មវិធីនានាដែលចង់តាមដានពួកគេ ដើម្បីដាក់ការផ្សាយពាណិជ្ជកម្មក្នុងទូរសព្ទ។ ការផ្លាស់ប្តូរនេះបានវាយប្រហារដល់ Facebook ខ្លាំងមែនទែន ដែល Facebook កំពុងមានការព្រួយបារម្ភថាខ្លួននឹងមិនអាចដាក់ការផ្សព្វផ្សាយពាណិជ្ជកម្មដល់អ្នកប្រើប្រាស់ iPhone បានដោយប្រសិទ្ធភាពទៀត។
ប្រព័ន្ធប្រតិបត្តិការ iOS 14.5 គឺមានក្របខ័ណ្ឌ App Tracking Transparency ដែលគេរំពឹងថានឹងមានផលប៉ះពាល់ដ៏ធំទៅលើក្រុមហ៊ុនដែលដាក់ការផ្សព្វផ្សាយតាមទូរសព្ទចល័ត។
អ្នកប្រើប្រាស់នឹងឃើញសារមួយលោតចេញមក នៅពេលពួកគេបើកកម្មវិធីណាមួយដែលចង់ចូលតាមដានឧបករណ៍របស់ពួកគេសម្រាប់ក្រុមហ៊ុនផ្សាយពាណិជ្ជកម្ម។ សារនោះនឹងសួរថា តើអ្នកប្រើប្រាស់ចង់ឱ្យមានការតាមដាននេះទេ ហើយនៅខាងក្រោមវានឹងបង្ហាញពីមូលហេតុដែលកម្មវិធីនេះចង់ឱ្យអ្នកប្រើប្រាស់ជ្រើសយកការតាមដាន។
ក្រុមហ៊ុនជាច្រើនដែលពឹងផ្អែកលើការផ្សាយពាណិជ្ជកម្មតាមអ៊ិនធើណេតបាននិយាយថា ការផ្លាស់ប្តូរ privacy នឹងកាត់បន្ថយប្រសិទ្ធភាពនិងប្រាក់ចំណេញនៃការផ្សាយពាណិជ្ជកម្ម។ Facebook បានធ្វើយុទ្ធនាការប្រឆាំងនឹងការផ្លាស់ប្តូរនេះ ហើយអាចប្រឈមនឹងការបាត់បង់ប្រាក់ចំណូលដោយសាររឿងនេះ៕
Join us: https://t.me/khmerload