អង់គ្លេស៖ លោក Rio Ferdinand ដែលជាអតីតកីឡាករបិសាចក្រហម Manchester United គិតថា ក្លិបសេដ្ឋីបារាំង Paris Saint-Germain នឹងក្លាយជាម្ចាស់ពាន Champions League នារដូវកាលនេះ បន្ទាប់ពីបានឡើងមកកាន់វគ្គផ្ដាច់ព្រ័ត្រ UCL កាលពីរដូវកាលមុនប៉ុន្តែត្រូវរងបរាជ័យក្រោមថ្វីជើងក្រុម Bayern Munich ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
មកទល់ពេលនេះ ការប្រកួតក្របខណ្ឌ UCL នៅសល់តែក្រុមខ្លាំងចំនួន៤ប៉ុណ្ណោះគឺ Manchester City, Real Madrid, Chelsea និង PSG ។
PSG ក្រោមការដឹកនាំរបស់លោកគ្រូបង្វឹក Mauricio Pochettino ក្លាយជាក្រុមមួយដ៏គួរឲ្យញញើតព្រោះល្មមមកដល់វគ្គពាក់កណ្ដាលផ្ដាច់ព្រ័ត្រនេះគឺត្រូវបំបាក់ក្រុមខ្លាំងៗដូចជា Barcelona និង Bayern Munich ជាដើមទើបលោកគិតថា PSG ពិតជាមានសង្ឃឹមលើកពាននេះច្រើនក៏ដោយសារមកពីក្លិបបានប្រមូលបទពិសោធន៍ក្រាស់ក្រែលដែរមកហើយ។
លោក Rio Ferdinand បានថ្លែងប្រាប់ FIVE ថា៖
ខ្ញុំគិតថា Paris Saint-Germain នឹងឈ្នះពាននេះ។ ពួកគេមានបទពិសោធន៍ច្រើនណាស់នៅរដូវកាលមុន ដោយមានខ្សែប្រយុទ្ធឆ្នើមទាំងពីររូប។ ពួកគេធ្លាប់លេងជាមួយគ្នាដូច្នេះពួកគេមានបទពិសោធន៍ច្រើន។
ក្រៅពីនោះលោក Rio Ferdinand ក៏បានថ្លែងថាបើសិន PSG ឈ្នះ Champions League មែន នោះក្លិបនឹងសាងសង់រូបសំណាកលោកគ្រូបង្វឹក Mauricio pochettino នៅខាងក្រៅកីឡដ្ឋានផងដែរ៕
ប្រភព៖ metro
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T