អេស្ប៉ាញ៖ ខ្សែការពារ Dani Carvajal បានចូលលេងលើកដំបូងចាប់តាំងពីថ្ងៃទី១៤ខែ កុម្ភៈ ក្នុងការប្រកួតរវាង Real Madrid ទល់នឹង Real Betis ប៉ុន្តែលទ្ធផលនៃការប្រកួតបែរជាធ្វើឲ្យគេខកចិត្តព្រោះក្រុមលេងបានត្រឹមស្មើ ០ ទល់នឹង ០ ជាមួយ Real Betis។
ក្រោយទទួលការរិះគន់ពីសំណាក់អ្នកគាំទ្ររឿង Real Madrid លេងមិនបានល្អ កីឡាករវ័យ២៩ឆ្នាំរូបនេះបានចេញមុខការពារក្រុមថា ហេតុផលដែលពួកគេលេងមិនសូវបានល្អដូចការរំពឹងទុកគឺមកពីមានការប្រកួតដង្ហែជាប់ៗគ្នាច្រើនពេក ដោយ Real Madrid ត្រូវចូលប្រកួតទាំង La Liga និង Champions League ហើយម្យ៉ាងទៀតកីឡាករសំខាន់ៗមួយចំនួនក៏កំពុងសម្រាកព្យាបាលរបួសផងដែរ។
Carvajal បានថ្លែងថា៖
កាលវិភាគនៃការប្រកួតគឺពិតជាជាប់ៗគ្នាច្រើនស្អេកស្កះណាស់ ហើយកីឡាករក្នុងក្រុមក៏បាត់មុខច្រើនដែរ។ មិនមែនត្រឹមតែប៉ុណ្ណឹងទេ គ្រូបង្វឹកក៏៏មិនអាចពឹងផ្អែកលើគ្រប់គ្នាដែរ ខ្ញុំគិតថាពួកយើងធ្វើមិនសូវបានល្អដោយសារកីឡាករមិនមានពេលសម្រាកគ្រប់គ្រាន់។ នៅសល់១៥ពិន្ទុទៀតដែលយើងត្រូវស្រវាឲ្យបាន ហើយពួកយើងនឹងព្យាយាមយកវាឲ្យបាន។
គួរបញ្ជាក់ផងដែរថា Real Madrid កំពុងឈរនៅលេខរៀងទី២មាន ៧១ ពិន្ទុដោយចាញ់ ក្រុមកំពូលតារាង Atletico Madrid តែ២ពិន្ទុប៉ុណ្ណោះ៕
ប្រភព៖ marca
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T