អង់គ្លេស៖ ខ្សែបម្រើ Fred និងប្រធានក្រុម Harry Maguire បានទាស់ទែងពាក្យសម្ដីគ្នាក្នុងការប្រកួតរវាង Leeds និង Manchester United ដែលប្រព្រឹត្តិទៅកាលពីយប់មិញនេះ។
លទ្ធផលនៃការប្រកួតគឺ ក្រុមទាំងពីរលេងបានត្រឹមស្មើ ០ ទល់នឹង ០ នៅឯកីឡដ្ឋាន Elland Road ទើប Maguire ដែលជាប្រធានក្រុមបានឈ្លោះជាមួយ Fred នៅតង់ទី២តែម្ដងដោយបានប្រើប្រាស់សម្ដីជេរប្រទេច Fred ថាជាមនុស្សល្ងង់។
ដោយឡែកទាក់ទងនឹងរឿងនេះ ក្រោយចប់ការប្រកួតលោកគ្រូបង្វឹក Ole Gunnar Solskjaer បានបញ្ចេញយោបល់ថាគ្រប់យ៉ាងគឺមកពីពួកគេទាំងអស់សុទ្ធតែចង់ឲ្យការលេងរបស់ក្រុមកាន់តែស្វាហាប់ជាងមុននិងមានទឹកចិត្តចង់ឈ្នះ ហើយកីឡាករម្នាក់ៗគឺតែងតែចង់ធ្វើអីឲ្យចេញលទ្ធផលល្អបំផុត។
លោកគ្រូបានថ្លែងថា៖
ក្រុមរបស់ពួកយើងទាមទារពីគ្នាខ្ពស់ណាស់ ពួកយើងដាក់ស្តង់ដារនៃការលេង ខ្ពស់ ទាំងនៅក្នុងទីលានហ្វឹកហាត់និងនៅក្នុងការប្រកួត។ ពួកយើងចង់ឲ្យកីឡាករទាំងអស់ខំប្រឹងឲ្យដល់កម្រិតកំពូល ខ្ញុំពិតជាមានមោទកភាពដែលពួកយើងមើលទៅខ្លាំងក្លា។ ខ្ញុំមិនធ្លាប់គិតទេថាពួកគេដាក់សំពាធមកលើពួកយើងនៅតង់ទី២ប៉ុន្តែការប្រកួតនេះគឺពួកយើងរាងបាត់បង់ភាពលេចធ្លោបន្តិច។
សូមទស្សនាវីដេអូនៃការប្រកួតខាងក្រោមនេះ៖
ប្រភព៖ goal
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T