អង់គ្លេស៖ លោកគ្រូបង្វឹក Ole Gunnar Solskjaer បានឲ្យតម្រុយខ្លះៗថា ខ្សែប្រយុទ្ធ Edinson Cavani មានភាគរយខ្ពស់អាចចាកចេញពីក្លិបនៅរដូវក្ដៅខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកគ្រូថា Cavani មិនទាន់បានសម្រេចពីអនាគតរបស់គេបានច្បាស់លាស់១០០ភាគរយនៅឡើយទេ ប៉ុន្តែគេអាចនឹងចាកចេញទៅលេងនៅអាមេរិកខាងត្បូងវិញខណៈកន្លងមក Manchester United ព្យាយាមចរចាបន្តកុងត្រាថ្មីថែមមួយឆ្នាំទៀតជាមួយកីឡាករសញ្ជាតិអ៊ុយរ៉ាហ្កាយរូបនេះ។
Edinson Cavani រកបាន១០គ្រាប់ក្នុងការបង្ហាញខ្លួនសរុប៣១លើកឲ្យ Man UTD នៅរដូវកាលនេះ ប៉ុន្តែគេចង់ចាកចេញទៅលេងនៅ Boca Juniors ដោយសារវាជិតនឹងគ្រួសាររបស់គេ។
យ៉ាងណាមិញ លោកគ្រូបង្វឹក Ole Gunnar Solskjaer បានជូនដំណឹងទាក់ទងនឹងស្ថានភាពរបស់ Cavani ថា៖
ពួកយើងនៅបន្តជជែកជាមួយ Edinson ដោយសារតែគេមិនទាន់សម្រេចចិត្តបាន១០០ភាគរយទាក់ទងនឹងអនាគតរបស់គេនៅឡើយទេ។ គេមិនបានប្រាប់ពួកយើងទេថាគេចង់ចាកចេញប៉ុន្តែខ្ញុំមើលដឹងថាគេអាចនឹងត្រឡប់ទៅផ្ទះនៅអាមេរិកខាងត្បូងវិញ ដោយសារតែពេលវេលាលំបាកដែលគេត្រូវឆ្ងាយពីគ្រួសារហើយបើសិនគេសម្រេចចិត្តបែបនោះ ខ្ញុំនឹងទទួលយក។
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
Bong I.T