Lionel Messi និងក្រុមគ្រួសារត្រូវគេអះអាងថា បានទិញផ្ទះមួយល្វែងតម្លៃ ៧,៣ លានអឺរ៉ូ ដែលមាន ៤បន្ទប់គេង និង ៤បន្ទប់ទឹក ជាមួយនឹងទេសភាពឆ្នេរសមុទ្រដ៏ស្រស់ស្អាតមួយនៃអគារ Sunny Isles Beach ដែលនៅជិតទីប្រជុំជនទីក្រុង Maimi នៃរដ្ឋ Florida សហរដ្ឋអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រធានក្រុមជម្រើសជាតិអាហ្សង់ទីន និង FC Barcelona មិនបានកំណត់ថាខ្លួននឹងត្រូវផ្លាស់ទៅលេងនៅសហរដ្ឋអាមេរិកឡើយ ប៉ុន្តែវាជាតម្រុយមួយដែលបញ្ជាក់អំពីអនាគតរបស់គាត់នៅពេលដែលសម្រេចចិត្តចាកចេញពីអឺរ៉ុប។
យោងតាមគេហទំព័រជំនួញអចលនៈទ្រព្យ The Real Deal បានឱ្យដឹងថាអគារដែលបានរៀបរាប់ខាងលើនេះមានលក្ខណៈពិសេសដែលអាចមើលឃើញទេសភាពជុំវិញ ៣៦០ ដឺក្រេ និងមានផ្ទៃខាងក្នុងទំហំ ៥១១ ម៉ែត្រការ៉េ និង ទីធ្លាខាងក្រៅទំហំ ១៩៥ ម៉ែត្រការ៉េ ដែល Messi ត្រូវចំណាយអស់ ៧,៣ លានអឺរ៉ូ ក្នុងការទិញវា។
ក្រុមហ៊ុនដែលបានទិញផ្ទះល្វែងនេះមានឈ្មោះថា Celromalina LLC ហើយយោងទៅតាមប្រព័ន្ធផ្សព្វផ្សាយក្នុងស្រុកបានឲ្យដឹងថាក្រុមហ៊ុននេះមានទំនាក់ទំនងជាមួយគ្រួសាររបស់ Messi៕