រដ្ឋបាលខណ្ឌឫស្សីកែវ សម្រេចបិទមូលដ្ឋានផ្សារច្រាំងចំរេះ ជាបណ្តោះអាសន្ន រយៈពេល១៤ថ្ងៃ

ភ្នំពេញ៖ យោងតាមសេចក្ដីជូនដំណឹងរបស់រដ្ឋបាលខណ្ឌឫស្សីកែវ នៅយប់ថ្ងៃទី ២៣ម្សិលមិញ បានឱ្យដឹងថា រដ្ឋបាលសម្រេចផ្អាកដំណើរការជាបណ្ដោះអាសន្នមូលដ្ឋាន ផ្សារច្រាំងចំរេះ ក្នុងសង្កាត់ច្រាំងចំរេះទី២ ខណ្ឌឫស្សីកែវ រយៈពេល ១៤ថ្ងៃ គិតចាប់ពីថ្ងៃទី ២៣ ខែមេសា រហូតដល់ថ្ងៃទី ០៧ ខែឧសភា ឆ្នាំ២០២១។

សេចក្ដីសម្រេចនេះ គឺដើម្បីបង្ការ និងទប់ស្កាត់ការឆ្លងរីករាលដាលវីរុសកូវីដ១៩ ទៅដល់បងប្អូនអាជីវករ អតិថិជន ក៏ដូចជាប្រជាពលរដ្ឋដែលចេញ-ចូលផ្សារនេះ។ ទន្ទឹមនឹងនោះ រដ្ឋបាលខណ្ឌឫស្សីកែវ ក៏សូមអំពាវនាវដល់បងប្អូនអាជីវករ សន្ដិសុខ បុគ្គលិក កម្មករ បម្រើការងារក្នុងផ្សារ និងក្រុមគ្រួសារអាជីវករពាក់ព័ន្ធ ព្រមទាំងប្រជាពលរដ្ឋដែលបានចេញ-ចូលផ្សារមួយនេះ បើមានអាការមិនស្រួល ឬសង្ស័យ ត្រូវប្រញាប់ទៅធ្វើតេស្ដដែលនៅជិតលោកអ្នកជាបន្ទាន់៕

សូមអានសេចក្ដីលម្អិតរបស់រដ្ឋបាលខណ្ឌឫស្សីកែវខាងក្រោម៖