មកទល់ពេលនេះ មានភូមិចំនួន៤ ហើយ ត្រូវបានអាជ្ញាធរខេត្តកំពង់ចាម ធ្វើការបិទខ្ទប់ ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩

ខេត្តកំពង់ចាម៖ យោងតាមសេចក្តីសម្រេចជាបន្តបន្ទាប់ពីរដ្ឋបាលខេត្តកំពង់ចាម បានឱ្យដឹងថា រដ្ឋបាល បានសម្រេចបិទខ្ទប់ភូមិចំនួន៤ ដែលមានទីតាំងភូមិសាស្ត្រស្ថិតក្នុងស្រុកស្រីសន្ធរ បាធាយ និងកងមាស ក្នុងខេត្តកំពង់ចាម ចាប់ថ្ងៃទី២៣ ខែមេសា ឆ្នាំ២០២១នេះ ក្នុងគោលបំណងដើម្បីទប់ស្កាត់រីកដាលនៃជំងឺកូវីដ កុំឱ្យឆ្លងចូលទៅក្នុងសហគមន៍ដទៃទៀត។

ក្នុងនោះដែរ ភូមិទាំង៤ ដែលត្រូវអាជ្ញាធរបិទខ្ទប់មានដូចជា៖ ភូមិទ្រា និងភូមិកំផ្លាក់នៃស្រុកស្រីសន្ធរ។ ភូមិសំបូរ នៃស្រុកបាធាយ និងភូមិថ្មី នៃស្រុកកងមាស។ ការបិទខ្ទប់នេះ ធ្វើឡើងក្រោយមានករណីឆ្លងនៃវីរុសកូវីដ១៩ ជាបន្តបន្ទាប់។

ដោយឡែក គិតមកទល់ថ្ងៃទី២២ ខែមសា នេះ ក្រសួងសុខាភិបាល បានឱ្យដឹងថា អ្នកមានវីរុសកូវីដ១៩​ សរុបចំនួន ៨១៩៣នាក់ អ្នកជាសះស្បើយ មានចំនួន ២៩២៤នាក់ អ្នកកំពុងសម្រាកព្យាបាលមានចំនួន ៥២០៤ នាក់ និង អ្នកស្លាប់បាត់បង់ជីវិតដោយសារវីរុសកូវីដ១៩ មានចំនួន ៥៩ នាក់៕

ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖