បរទេស៖ អង្គការណាសាបានចែករំលែករូបភាពមួយចំនួន ដែលបង្ហាញពីសភាពនៃស្ថានីយអវកាស Lunar Gateway ពេលដែលបង្ហោះវាទៅឋានព្រះចន្ទនៅឆ្នាំ2024។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីភ្នាក់ងារនេះបាននិយាយថា ស្ថានីយមន្ទីរពិសោធន៍មួយនេះនឹងក្លាយជាផ្ទះស្នាក់របស់អវកាសយានិក ក្នុងកំឡុងពេលធ្វើដំណើរទៅឋានព្រះចន្ទ។
ស្ថានីយនេះនឹងមានសមត្ថភាពផ្ទុកមនុស្សបួននាក់ ហើយអង្គការណាសានឹងធ្វើការនៅទីនោះជាមួយដៃគូមកពីស្ថានីយអវកាសអន្តរជាតិដទៃទៀត រួមមានអឺរ៉ុប ជប៉ុន និងកាណាដា។
ស្ថានីយនេះនឹងមាន docking port សម្រាប់ចត សម្រាប់យានអវកាស SpaceX Starship lunar lander ដែលនឹងដឹកអវកាសយានិកទៅឋានព្រះចន្ទ។
ស្ថានីយ Lunar Gateway គឺជាផ្នែកសំខាន់មួយនៃបេសកកម្មរបស់កម្មវីធីអវកាស Artemis ដែលអង្គការណាសានឹងដាក់អវកាសយានិក និងអវកាសយានិកស្ត្រីដំបូងទៅឋានព្រះចន្ទនៅឆ្នាំ2024 ទោះបីជាកាលបរិច្ឆេទអាចត្រូវបានពន្យារពេលក៏ដោយ។
បេសកកម្ម Artemis ទាំងមូល រួមទាំងស្ថានីយ Lunar Gateway នឹងត្រូវបញ្ជូនទៅឋានព្រះចន្ទដោយប្រើរ៉ុក្កែតបាញ់បង្ហោះដ៏ធំនិងថ្មីស្រឡាងរបស់ណាសា៕