អ្នកជំនាញខាងសត្វពស់ ស្លាប់បាត់បង់ជីវិតដោយសារ ពស់វែកមួយក្បាល

យោងតាមគេហទំព័រ Huffingtonpost បានអោយដឹងថា អ្នកជំនាញខាងសត្វពស់ម្នាក់ បានស្លាប់បាត់បង់ជីវិត បន្ទាប់ពីត្រូវ សត្វពស់មួយក្បាលខំា នៅពេលដែល អ្នកជំនាញរូបនោះ កំពុងផ្តល់បទបង្ហាញពី សត្វពស់។

អ្នកជំនាញ ខាងសត្វល្មួន ដែល ស្លាប់បាត់បង់ជីវិត រូបនោះ មានឈ្មោះ Dieter Zorn អាយុ ៥៣ឆ្នាំ ជាជនជាតិ អាឡឺម៉ង់។ គាត់ស្លាប់ភ្លាមៗ ដោយសារជំងឺបេះដូង តែ ១ នាទី បន្ទាប់ពីត្រូវ សត្វពស់វែកខាំប៉ុណ្ណោះ។

លោក Zorn ត្រូវសត្វពស់ខាំជាច្រើនដង នៅពេលដែលគាត់កំពុងផ្តល់បទបង្ហាញពីសត្វពស់ ដើម្បីជំរុញអោយ អ្នកចូលរួម លែងខ្លាចសត្វដ៏កាចសាហាវនេះ។ នៅពេលផ្តល់បទបង្ហាញ គាត់បានជំរុញអោយអ្នកចូលរួម ចាប់កាន់ សត្វពស់ ដើម្បីកាត់បន្ថយការខ្លាចរអានឹងសត្វពស់ ទើបធ្វើអោយ សត្វពស់វែកមួយក្បាលនោះ អាចខាំគាត់ តែម្តង។

តើប្រិយមិត្តអ្នកអាន យល់យ៉ាងណាចំពោះហេតុការណ៏នេះ?

ដោយ រ៉ាស៊ី

ខ្មែរឡូត