Big Hit ចេញមុខតបនឹងពាក្យចចាមមរ៉ាមដែលថា BTS នឹង​ចូល​បម្រើ​​កងទ័ពទាំងអស់គ្នានៅឆ្នាំ ២០២២

នៅថ្ងៃទី ២១ មេសា ព្រឹកមិញនេះ ក្រុមហ៊ុន Big Hit បានធ្វើការឆ្លើយតបទៅកាន់ព័ត៌មានចចាមរ៉ាមមួយថា សមាជិក BTS នឹងចូលបម្រើយោធាទាំងអស់គ្នានៅឆ្នាំ ២០២២ ថា " Big Hit មិនមានយោបល់អ្វីចំពោះរឿង​នេះ​នោះ​ទេ"។ នេះបើតាមការចុះផ្សាយរបស់បណ្ដាញសារព័ត៌មាន Koreaboo ។ 

ព័ត៌មាននេះ បានបង្កឲ្យមានការភ្ញាក់ផ្អើលយ៉ាងខ្លាំងនៅក្នុងសំណាក់អ្នកគាំទ្រ BTS ។ បើយើងក្រឡេកទៅមើលបទ​ចម្រៀងមួយ ដែល BTS បានចេញកាលឆ្នាំ ២០២០ នៅក្នុង Album BE សមាជិកម្នាក់របស់ BTS គឺ JIN បាន​​បញ្ជាក់ថា គាត់មានការត្រៀមខ្លួនរួចជាស្រេចនៅក្នុងការចូលបម្រើយោធានោះ នៅគ្រប់ពេលដែលរដ្ឋាភិបាល​មានការ​គោះហៅ។ ដោយ Jin បាននិយាយថា​ "ក្នុងនាមជាពលរដ្ឋរបស់សាធារណរដ្ឋកូរ៉េ កាតព្វកិច្ចយោធា ជារឿងមួយ​ដែល​ត្រូវធ្វើ។ ប្រសិនបើ ជាតិហៅខ្ញុំពេលណា នោះខ្ញុំនឹងទទួលនៅពេលនោះតែម្ដង"។ 

តាមរយៈពាក្យពេចន៍ទាំងនេះបានបង្ហាញថា JIN នឹងត្រូវចូលបម្រើយោធានៅឆ្នាំក្រោយ តែសម្រាប់សមាជិកផ្សេង​ទៀត​មិនទាន់មានព័ត៌មានជាក់លាក់នោះទេ៕