Alaba លែងចាប់អារម្មណ៍នឹង Barca បែរជាងាកទៅចុះកុងត្រារយៈពេល ៥ ឆ្នាំជាមួយ Real Madrid វិញ

អេស្ប៉ាញ៖ ចំពេលមានភាពច្របូកច្របល់ពាក់ព័ន្ធ Super League ដែលបានស្នើឡើង (បរាជ័យទាំងស្រុង) របាយការណ៍ពី Sky បានទម្លាយថា David Alaba បានយល់ព្រមលើកិច្ចសន្យា ៥ ឆ្នាំជាមួយ Real Madrid ដែលនឹងឃើញគាត់ចូលរួមជាមួយ Los Blancos នៅរដូវក្តៅនេះហើយនៅជាមួយក្លិបរហូតដល់ឆ្នាំ ២០២៦ ។

របាយការណ៍ដដែលក៏បានបញ្ជាក់ផងដែរថា ខ្សែការពារសញ្ជាតិអូទ្រីសដែលពូកែបត់បែនរូបនេះលែងចាប់អារម្មណ៍ចូលរួមជាមួយក្លិប FC Barcelona ទៀតហើយ។

Real Madrid មានប្រវតិ្តនៃការបែកធ្លាយឬប្រកាសកិច្ចព្រមព្រៀងភ្លាមៗបន្ទាប់ពីមានស្ថានភាពមិនល្អដើម្បីបង្វែរការចាប់អារម្មណ៍របស់អ្នកគាំទ្រពីបញ្ហាផ្សេងៗ។ ទោះយ៉ាងណាក៏ដោយវាមិនអាចបង្វែរការចាប់អារម្មណ៍ច្រើនពីភាពអាម៉ាស់ដែលក្លិបបានទទួលរងជាសាធារណៈនៅពេលដែល Super League បានបរាជ័យនោះទេ។

ប្រសិនបើ David Alaba ចុះហត្ថលេខា វានឹងគួរឱ្យចាប់អារម្មណ៍ក្នុងការមើលថាតើមានអ្វីកើតឡើងជាមួយនឹងការចរចារកិច្ចសន្យា Sergio Ramos ដែលជាសេណារីយ៉ូនៃការផ្លាស់ប្តូរនេះ។ តើ Ramos និង Nacho ទាំងពីរនឹងនៅជាមួយក្លឹបដែរឬទេ?