កំពូល​ផ្លែឈើ​​មួយ​នេះ​ផ្ដល់​អត្ថប្រយោជន៍​ច្រើន​ដល់​សុខភាព​​​​​​​​​​​​​​​​​​​​​​​!

//s9.kh1.co/7d/7d11ccecdf9b94d4415fc4f8a95c87b122faa615.jpg
យល់ដឹង

 ២០-មេសា-២០២១ ៩ព្រឹក · ៣ ឆ្នាំមុន

ផ្លែ​ទន្លាប់​គឺ​ជា​ប្រភេទ​ផ្លែឈើ​ដែល​សំបូរ​ទៅ​ដោយ​វីតាមីន​ ជាតិ​រ៉ែ​ និង​សារធាតុ​ប្រឆាំង​នឹង​អុកស៊ីតកម្ម​ ដែល​អាច​ផ្ដល់​អត្ថប្រយោជន៍​ជា​ច្រើន​ដល់​សុខភាព​របស់​យើង​។

ផ្លែ​ទន្លាប់​គឺ​ជា​ប្រភេទ​ផ្លែឈើ​ដែល​សំបូរ​ទៅ​ដោយ​វីតាមីន​ ជាតិ​រ៉ែ​ និង​សារធាតុ​ប្រឆាំង​នឹង​អុកស៊ីតកម្ម​ ដែល​អាច​ផ្ដល់​អត្ថប្រយោជន៍​ជា​ច្រើន​ដល់​សុខភាព​របស់​យើង​។​ ជាក់​ស្ដែង​ វីតាមីន​C ​នៅ​ក្នុង​ផ្លែ​ទន្លាប់​អាច​ជួយ​ទ្រទ្រង់​ប្រព័ន្ធ​ភាព​ស៊ាំ​ និង​ការពារ​យើង​ពី​ជំងឺ​បេះដូង​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ថែម​ពី​នេះ​ ផ្លែ​ទន្លាប់​ក៏​មាន​ជាតិ​សរសៃ​​រលាយ​ខ្ពស់​ ដែល​​ជួយ​ពន្យឺត​ការ​រំលាយ​កាបូអ៊ីដ្រាត​ ដោយ​ការពារ​ការ​​កើន​ឡើង​ជាតិ​ស្ករ​ក្នុង​ឈាម​។​ ដូច្នេះ​ហើយ​​ គ្នា​យើង​គប្បី​ញ៉ាំ​ផ្លែ​ឈើ​មួយ​ប្រភេទ​នេះ​ជា​ប្រចាំ​ ដើម្បី​ទទួល​បាន​អត្ថប្រយោជន៍​សុខភាព​ទាំង​នេះ​។

១. សុខភាព​បេះដូង​

​​​ពិត​ណាស់​ ផ្លែ​ទន្លាប់​​សំបូរ​ទៅ​ដោយ​ជាតិ​សរសៃ​ សារធាតុ​ប្រឆាំង​នឹង​អុកស៊ីតកម្ម និង​ជាតិ​រ៉ែ ដែល​មាន​គុណប្រយោជន៍​ប្រឆាំង​នឹង​ការ​ក្រិន​សរសៃ​ឈាម​​ ព្រម​ទាំង​កាត់បន្ថយ​ហានិភ័យ​នៃ​ជំងឺ​បេះដូង​បាន​ដែរ​​។​ ​ជាមួយ​គ្នា​នេះ​ដែរ​ ជាតិ​សរសៃ​នៅ​ក្នុង​ផ្លែ​ទន្លាប់​ក៏​ជួយ​ដោះស្រាយ​បញ្ហា​កូលេស្តេរ៉ូល​ខ្ពស់​​បាន​ផង​ដែរ​។

២. សុខភាព​ភ្នែក​

​លើស​ពី​នេះ​ ផ្លែ​ទន្លាប់​អាច​ជួយ​ថែទាំ​សុខភាព​ភ្នែក​របស់​យើង​យ៉ាង​ពូកែ​ស័ក្ដិសិទ្ធិ​។​ ​ផ្លែ​ទន្លាប់​មួយ​ផ្លែ​​មាន​ផ្ទុក​វីតាមីន​A ​ច្រើន​ជាង​ពាក់​កណ្ដាល​នៃ​តម្លៃ​​ប្រចាំ​ថ្ងៃ​ ដែល​មាន​សារសំខាន់​ចំពោះ​សុខភាព​ភ្នែក​។​ ម្យ៉ាង​វិញ​ទៀត​ វា​ក៏​សំបូរ​ទៅ​ដោយ​សារធាតុ​​Lutein ​ដែល​អាច​ជួយ​ការពារ​ប្រឆាំង​នឹង​ជំងឺ​ភ្នែក​ផ្សេង​ៗ​ផង​ដែរ​។

៣. ​ការពារ​​ពី​ជំងឺ​ទឹក​នោម​ផ្អែម​ និង​កាត់​បន្ថយ​ហានិភ័យ​នៃ​បញ្ហា​សុខភាព​ផ្សេង​ៗ​

​​សំបក​​ផ្លែ​ទន្លាប់​​មាន​ផ្ទុក​​សារធាតុ​Flavenoids ជា​ភ្នាក់ងារ​ប្រឆាំង​នឹង​ជំងឺ​ទឹក​នោម​ផ្អែម​ ព្រម​ទាំង​សារធាតុ​ប្រឆាំង​នឹង​អុកស៊ីតកម្ម ដែល​ប្រឆាំង​នឹង​ការ​កើត​ឡើង​នៃ​សារធាតុ​advanced glycation end products (AGEs) ដ៏​គ្រោះថ្នាក់ ហើយ​វា​កើត​ឡើង​នៅ​ពេល​ប្រូតេអ៊ីន​ ឬ​ជាតិ​ខ្លាញ់​លាយ​បញ្ចូល​គ្នា​ជាមួយ​នឹង​ស្ករ​ក្នុង​ឈាម​។​ សារធាតុ​នេះ​មាន​ពាក់ព័ន្ធ​ទៅ​នឹង​​​ជំងឺ​ទឹក​នោម​ផ្អែម​ និង​ផលវិបាក​សុខភាព​រយៈពេល​វែង​​ថែម​ទៀត​ផង​។

៤. អាហារូបត្ថម្ភ​

​ផ្លែ​ទន្លាប់​ក៏​មាន​ប្រភព​ដ៏​ល្អ​នៃ​វីតាមីន​A និង​C ក៏​ដូចជា​ម៉ង់ហ្គាណែស ដែល​ជួយ​ឲ្យ​ឈាម​កក​។​ វា​ក៏​មាន​សារធាតុ​ប្រឆាំង​នឹង​អុកស៊ីតកម្ម​ដទៃ​ទៀត​ ដែល​ជួយ​កាត់​បន្ថយ​ហានិភ័យ​នៃ​បញ្ហា​សុខភាព​ធ្ងន់ធ្ងរ​ រួម​មាន​ជំងឺ​មហារីក​ និង​គ្រោះថ្នាក់​សរសៃ​ឈាម​ខួរ​ក្បាល​​ផង​ដែរ​។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet

Hello គ្រូពេទ្យ
Hello គ្រូពេទ្យ

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T