យុវ​សិស្ស​ម្នាក់​ត្រូវ​ក្មេង​ស្ទាវ​ ១ក្រុម​ យ​កដាវ​សាំ​ម៉ូ​រ៉ៃ​កាប់​របួស ​ដៃ​ហូរ​ឈាម​ស្រោច​ខ្លួន​

ខេត្តកំពង់ចាម ៖ យុវសិស្សម្នាក់ត្រូវក្មេងស្ទាវ ១ក្រុម មានគ្នាមិនតិចជាង ១០នាក់ បានយកដាវសាំម៉ូរ៉ៃមកកាប់ត្រូវចំដៃ ខាងឆ្វេងបណ្តាលឱ្យហូរឈាមរបួសធ្ងន់ ដែលហេតុការណ៍នេះ បានកើតឡើងកាលពីវេលាម៉ោង ៥រសៀល ថ្ងៃទី២២ មិថុនា ២០១៣ នៅចំណុចផ្លូវក្រោយវត្តដីដុះ ក្នុងសង្កាត់វាលវង់ ស្រុកកំពង់សៀម ។

តាមសម្តីយុវសិស្សរងគ្រោះឈ្មោះ ទ៊ុយ និរោធ ភេទប្រុស អាយុ ១៨ឆ្នាំ រស់នៅភូមិតាមាង ឃុំកោះរកា ស្រុកកំពង់សៀម បានឱ្យដឹងថា រូបគេ និងមិត្តភក្តិ ៥នាក់ ទៀតបានជិះម៉ូតូ ៣គ្រឿង ធ្វើដំណើរទៅរៀនភាសាអង់គ្លេស លុះមកដល់ជិតសាលាក៏ត្រូវក្មេងស្ទាវ ១ក្រុមនោះ ទាញដាវសាំម៉ូរ៉ៃដេញវាយតែម្តង ហើយរូបគេបានរត់ចូល ផ្ទះប្រជាពលរដ្ឋឱ្យជួយ ចំណែកជនសង្ស័យបានរត់គេចខ្លួនបាត់អស់ ។ ក្រោយកើតហេតុ សមត្ថកិច្ចកំពុងធ្វើការស្រាវជ្រាវ រកជនសង្ស័យ រហូតមកដល់ម៉ោង ១០យប់ ថ្ងៃដដែលនេះ នៅពុំទាន់ចាប់បានជនសង្ស័យណាម្នាក់ឡើយ ៕

បញ្ចូលអត្ថបទ ៖ វីយូឡែត

 ផ្តល់សិទ្ធដោយ កោះសន្តិភាព