បរទេស៖ ក្លិប Tottenham Hotspur បានប្រកាសរឿងគួរឲ្យភ្ញាក់ផ្អើលមួយនៅល្ងាចថ្ងៃទី ១៩ ខែមេសា នោះគឺពាក់ព័ន្ធនឹងការបញ្ចប់តំណែងលោក Jose Mourinho ដែលជាអ្នកចាត់ការមុនកាលកំណត់នៃកុងត្រារយៈពេល ២ ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ចំពោះមូលហេតុនៃការចាកចេញនេះផងដែរ តាមរយៈប្រភពគួរឲ្យជឿទុកចិត្តមួយបានឲ្យដឹងថាក្រោយពីដឹងថា Spurs បានយល់ព្រមចូលរួមជាមួយពានរង្វាន់ ESL អ្នកចាត់ការសញ្ជាតិព័រទុយហ្កាល់រូបនេះក៏សម្រេចចិត្តមិនដឹកនាំក្រុមហ្វឹកហាត់ឡើយ និងព្រមទាំងមានទំនាស់ជាមួយថ្នាក់ដឹកនាំក្លិបផងដែរពីបញ្ហាមិនចុះសម្រុងគ្នាពាក់ព័ន្ធនឹងការចូលរួមក្នុងពានរង្វាន់ថ្មីនេះរបស់មាន់ខ្នាយមាស។
តែទោះបីជាយ៉ាងណាក៏ដោយការបញ្ចប់តំណែងរបស់លោក Mourinho មុនកាលកំណត់នៃកិច្ចសន្យាកុងត្រាបែបនេះ គឺក្លិបត្រូវចំណាយអស់ ២០ លានផោនឯណោះ តែវារាប់ជាទំហំទាបជាងកិច្ចព្រមព្រៀងដែលអាចមានដល់ ៣០ លានផោន ប្រសិន Mourinho ដឹកនាំជោគជ័យឬឈានដល់ចំណុចណាមួយល្មមអាចទទួលប្រាក់បន្ថែម។ នេះបើតាម Daily Mail បានចុះផ្សាយ៕
Bong I.T