ក្តៅៗ!​ តំបន់មួយចំនួនក្នុងខណ្ឌមានជ័យ​ ពោធិ៍សែនជ័យ និងទួលគោក ត្រូវរដ្ឋបាលរាជធានីភ្នំពេញ ចេញសេចក្ដីសម្រេចកំណត់ជា «តំបន់ក្រហម»

ភ្នំពេញ៖ នៅល្ងាចថ្ងៃទី១៩ ខែមេសា ឆ្នាំ២០២១នេះ  រដ្ឋបាលរាជធានីភ្នំពេញ បានចេញសេចក្ដីសម្រេចកំណត់តំបន់មួយ ក្នុងភូមិសាស្ដ្រខណ្ឌមានជ័យ ខណ្ឌពោធិ៍សែនជ័យ និងខណ្ឌទួលគោក ដែលមានការឆ្លងរាលដាលធ្ងន់ធ្ងរ នៃជំងឺកូវីដ១៩ ជា «តំបន់ក្រហម»។ 

ទីតាំងដែលត្រូវកំណត់ជា «តំបន់ក្រហម» នៅរាជធានីភ្នំពេញនោះរួមមាន៖

ទី១៖ ភូមិសាស្ដ្រសង្កាត់ស្ទឹងមានជ័យទី១ សង្កាត់ស្ទឹងមានជ័យទី២ និងសង្កាត់ស្ទឹងមានជ័យទី៣ នៃខណ្ឌមានជ័យ
ទី២៖ ភូមិសាស្ដ្រសង្កាត់ចោមចៅទី១ ខណ្ឌពោធិ៍សែនជ័យ
ទី៣៖ ភូមិ១៤, ភូមិ១៦ និងភូមិ១៧ នៃសង្កាត់បឹងសាឡាង ខណ្ឌទួលគោក។