នៅ Single មិនព្រួយចិត្ត! Lee Minho ទៅដើរលេងក្រៅប្រទេសម្នាក់ឯងក៏មានក្ដីសុខ

កាណាដា៖ តារាសម្តែងប្រុសសង្ហារលំដាប់ A បូកលោក Lee Minho តែងតែទទួលការចាប់អារម្មណ៍ជាខ្លាំង ពីសំណាក់មហាជន​ ជាមួយរូបភាពលេចធ្លោជាច្រើន នៃរូបសម្រស់ស្រស់សង្ហារ ជាពិសេសនោះទេសភាព ដែលតារាសម្តែងរូបនេះ​ បានផ្តិតយកតែម្តង។

ដោយឡែក កាលពីថ្មីៗនេះ តារាប្រុសវ័យ ៣៣ឆ្នាំ បានបង្ហោះរូបភាពប៉ុន្មានសន្លឹក នៅលើគណនីហ្វេសប៊ុកជាផ្លូវការរបស់លោក ដែលបានធ្វើដំណើរកម្សាន្ត នៅឯប្រទេសកាណាដាយ៉ាងសប្បាយ បន្ទាប់ពីបានដកឃ្លាសម្រាកពីការងារសិល្បៈ  បានធ្វើឲ្យអ្នកលេងបណ្តាញសង្គម កោតសរសើរ នៃរូបថតទាំងនោះ។

ក្នុងរូបភាពទាំងនោះ​ តារាសម្តែងប្រុសរូបនេះ បានផ្តិតយកទេសភាពលើកំពូលភ្នំទឹកកកសុទ្ធតែព្រិល ជាពិសេសទោះបីរូបលោក ពាក់ម៉ាសហើយក្តី ក៏ប៉ុន្តែ Lee Minho នៅតែបញ្ចេញរូបរាងយ៉ាងខ្ពស់ស្រឡះ បានធ្វើរូបថតទាំងអស់កាន់តែលេចធ្លោ មិនត្រឹមតែប៉ុណ្ណោះ ត្រឹមរយៈពេលខ្លីរូបភាពរបស់លោក ទទួលបានការចុចចូលចិត្តរហូតដល់រាប់សែនឯណោះ៕

សូមទស្សនារូបភាពខាងក្រោម៖