រាជធានីភ្នំពេញ ៖ ពិតណាស់ រាជរដ្ឋាភិបាល បានប្រកាសបិទខ្ទប់ រាជធានីភ្នំពេញ និងក្រុងតាខ្មៅ នៃខេត្តកណ្តាល រយៈពេល ១៤ថ្ងៃ គិតចាប់ពីថ្ងៃទី ១៥ មេសា ដល់ថ្ងៃទី ២៨ មេសា ២០២១ ដើម្បីទប់ស្កាត់ការរីករាលដាលឆ្លង នៃជំងឺកូវីដ១៩នេះ កាន់តែខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះ ក្រោយពេល បានចេញនូវ សេចក្តីប្រកាសនេះហើយ អាជ្ញាធរបានកំពុងធ្វើ ការរឹតបន្តឹងការចេញចូល របស់ប្រជាពលរដ្ឋ ដែលអនុញ្ញាតឲ្យសម្រាប់តែ ការងារណាដែលចាំបាច់តែប៉ុណ្ណោះ ដែលខណៈពេល មានអាជីវករមួយចំនួនតូច ឆ្លៀតឱកាសលក់តម្លើងថ្លៃ ខុសពីធម្មតា។
គួរបញ្ជាក់ផងដែរថា កាលពីថ្ងៃទី ១៨ មេសា កន្លងទៅថ្មីៗនេះ សមត្ថកិច្ច បានចុះទៅណែនាំ អប់រំ និងចុះកិច្ចសន្យា សម្រាប់អាជីវករម្នាក់ នៅក្នុងផ្សារលូ សង្កាត់បឹងកេងកង ក្រោយទទួលដំណឹងថា បានលក់សាច់ជ្រូកក្នុងតម្លៃថ្លៃ ខុសធម្មតា ស្របពេលបិទខ្ទប់នេះ ។ ពិតណាស់ អាជីវកររូបនេះ មានឈ្មោះថា ស្រេង សិធារ៉ា ភេទស្រី អាយុ ៦០ឆ្នាំ។ គួរបន្ថែមថា នេះបើតាមការបញ្ជាក់ពី ការពិតGCNP ដែលបានសរសេររៀបរាប់ យ៉ាងដូច្នេះថា ៖
កាលពីថ្ងៃទី១៨ ខែមេសា ឆ្នាំ២០២១ អាជីវករម្នាក់មានឈ្មោះ ស្រេង សិធារ៉ា ភេទស្រី អាយុ ៦០ឆ្នាំ មុខរបរអ្នកលក់សាច់ជ្រូក នៅផ្លូវលេខ 348 (ផ្សារលូ) ក្នុងសង្កាត់ទួលស្វាយព្រៃទី ១ ខណ្ឌបឹងកេងកង រាជធានីភ្នំពេញ ត្រូវបានមន្ត្រីមានសមត្ថកិច្ចចុះធ្វើការអប់រំ ណែនាំ និងធ្វើកិច្ចសន្យាបញ្ឈប់សកម្មភាព ក្រោយពេលពិនិត្យឃើញថា អាជីវកររូបនេះ បានលក់សាច់ជ្រូកឲ្យប្រជាពលរដ្ឋក្នុងតម្លៃខ្ពស់ខុសពីធម្មតា ឆ្លៀតឱកាសដែលរាជធានីភ្នំពេញ និងក្រុងតាខ្មៅ នៃខេត្តកណ្ដាលត្រូវបានរាជរដ្ឋាភិបាលសម្រេចបិទខ្ទប់ភូមិសាស្រ្តនេះ ដើម្បីបង្ការ ទប់ស្កាត់ ការឆ្លងរីករាលដាលនៃមេរោគកូវីដ-១៩។ យើងខ្ញុំ សូមអំពាវនាវដល់អាជីវករលក់គ្រឿងឧបភោគ បរិភោគ តាមផ្សារ ក៏ដូចនៅតាមផ្ទះ ក្នុងតំបន់ហាមឃាត់ ឬនៅទូទាំងប្រទេស សូមមេត្តាចៀសវាងឆ្លៀតឱកាសគ្រាអាសន្ននេះ ដាក់បន្ទុកបន្ថែមទៅលើប្រជាពលរដ្ឋ ក៏ដូចជារាជរដ្ឋាភិបាល នឹងអាចប្រឈមចំពោះមុខច្បាប់ទៀតផង។
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
Bong I.T