កូរ៉េខាងត្បូង៖ អ្នកណាក៏ដឹងថាក្នុងសង្គមសិល្បៈកូរ៉េ គឺពោរពេញដោយរូបរាងមុខមាត់ស្រស់ស្អាត ប៉ុន្តែថ្ងៃនេះយើងសូមលើកយកនូវតារាកូរ៉េទាំង១០រូបដែលមានមុខមាត់ស្រស់ស្អាតដូចតួអង្គតុក្កតាត្លុកបំផុតមកណែនាំម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. Cha Eunwoo នៅក្នុងក្រុម ASTRO
ជាមួយនឹងកម្ពស់ 183cm ព្រមទាំងមុខមាត់ស្រស់ស្អាតសឹងតែមនុស្សស្រីសុំខ្មាស់នោះ Cha Eunwoo គឺត្រូវជាតារាដំបូងដែលឈរនៅលើគេតែម្តង។
២. Rowoon នៅក្រុម SF9
រូបរាងរឹងមាំស្រស់សង្ហា និងកម្ពស់ដែលអំណោយផលរបស់ខ្លួនបានធ្វើឱ្យតារាស្រីណាក៏ដោយដែលសម្តែងជាមួយនឹង Rowoon's មើលទៅសមគួរឱ្យស្រឡាញ់ទាំងអស់។
៣. Park Min Young
Park Min Young មិនត្រឹមតែមានមុខមាត់ស្រស់ស្អាតនោះទេ តែនៅមានស្នាមញញឹមស្រស់ស្រាយដូចពន្លឺព្រះអាទិត្យផងដែរ ដែលទាំងនេះហើយគឺជាលក្ខណ:សម្បត្តិរបស់តួអង្គនៅក្នុងរឿងត្លុកបេះយកទៅដាក់។
៤. Song Kang
Song Kang ត្រូវបានទស្សនិកជនមើលឃើញថាមានមុខមាត់គួរឱ្យស្រឡាញ់ដូចជាកូនឆ្កែតូចដែលឃើញហើយគួរឱ្យថ្នាក់ថ្នម ជាមួយកម្ពស់ 185cm និងស្មាធំរឹងមាំដែលត្រូវបានគេនិយាយលេងសើចថាធំដូចជាមហាសមុទ្រនោះ កាន់តែធ្វើឱ្យតារាម្នាក់នេះសមបំផុតនឹងតួអង្គត្លុកសង្ហាដែលនរណាឃើញហើយក៏លង់ស្នេហ៍បានយ៉ាងងាយ។
៥. Jang Wonyoung នៅក្នុងក្រុម IZ*ONE
Jang Wonyoung មានជើងដែលវែងស្រឡូន និងស្រស់ស្អាតហាក់ដូចជាតួអង្គ Sailor Moon ដូច្នេះដែរ ហើយមកទល់សព្វថ្ងៃនេះតារាស្រីរូបនេះក៏ត្រូវបានគេប្រៀបធៀបនឹងរូបត្លុករបស់ Lim Ju Kyung នៅក្នុងរឿង True Beauty ទៀតផង។
៦. Kim So Hyun
នៅក្នុងឆ្នាំ 2019 Kim So Hyun បានសម្តែងនៅក្នុងរឿង The Tale of Nokdu ដែលរឿងមួយនេះបានយកចេញពីរឿងត្លុកដែលមានចំណងជើងដូចគ្នា។ Kim So Hyun ស័ក្តិសមនឹងសម្តែងជាតួអង្គ Dong Dong Joo បំផុតព្រោះតែរូបរាងស្រស់ស្អាត និងមានកម្ពស់ 166cm។
៧. L (Kim Myungsoo) នៅក្នុងក្រុម INFINITE
L បានប្រឡូកក្នុងវិថីសិល្បៈ១០ឆ្នាំមកហើយ តារារូបនេះត្រូវបានគេមើលឃើញថាមានស្ទីលជាកម្លោះទីក្រុង និងស្រស់សង្ហាជាខ្លាំង។ នៅក្នុងរឿងត្លុក Welcome តារារូបនេះសម្តែងជាតួអង្គ Hong Jo ដែលជាសត្វឆ្មាមួយក្បាល តែរាល់ពេលដែលនៅជិតតួអង្គស្រី Kim Sol Ah គេក៏ក្លាយជាមនុស្ស។
៨. Kim Minkyu
អ្នកគាំទ្រ K-pop បានស្គាល់ Kim Minkyu តាមរយ:កម្មវិធី Produce X 101 ហើយប្រាកដណាស់អ្វីដែលលេចធ្លោសម្រាប់តារាប្រុសរូបនេះគឺមុខមាត់ដែលមិនខុសពីតុក្កតាត្លុកមានជីវិតសោះឡើយ។ តារារូបនេះបានសម្តែងជាតួអង្គ Chun Nam Wook ដែលបានចេញពីក្នុងសៀវភៅរឿងត្លុកចូលមកក្នុងពិភពរបស់មនុស្ស នៅក្នុងរឿង Pop Out Boy។
៩. BTS's V
V ជាតារាម្នាក់ដែលមានឈ្មោះថាជា តារាដែលមានមុខសង្ហាបំផុតទូទាំងពិភពលោក។អ្នកគាំទ្របានគូររូប V នៅក្នុងស្ទីលជារូបត្លុកជាច្រើនឥរិយាបថ ហើយមិនថានៅក្នុងឥរិយាបថបែបណឆក៏តារារូបនេះមើលទៅសក្តិសមទាំងអស់។
១០. Lee Jong Suk
អ្នកចុងក្រោយបំផុតឃើញថាជាអ្នកណាមិនបានក្រៅពីតារាសម្តែង Lee Jong Suk ម្នាក់នេះឡើយ។ កាលពីឆ្នាំ ២០១៦ Lee Jong Suk បានសម្តែងជាតួ Kang Chul នៅក្នុងរឿង W ដែល Kang Chul គឺជាតួអង្គត្លុកដ៏ល្បីល្បាញនៅក្នុងរឿងត្លុក W ៕
ប្រភព៖ ១