គិត​ទាន់នៅលីវ! ទិកនិចរកលុយ ៤របៀប ដែលនារីៗ​​គួរដឹង​ពេល​​​​នៅ​​​លីវ​

ពេលមិនទាន់មានគ្រួសារ​ នារីៗអាចមានពេលច្រើនសម្រាប់ការងារ។ ធ្វើការរាល់ថ្ងៃគឺដើម្បីលុយ និងសេចក្តីសុខ។ តែអ្នកគួរដឹងតិចនិចៗអំពីការរកប្រាក់ ដើម្បីធានាបានថាអាចរក​ប្រាក់​បាន​ច្រើន ហើយអាចប្រកួតប្រជែង​ជាមួយ​ទីផ្សារ​បច្ចុប្បន្នបាន។ សម័យនេះទៅហើយមិនថានារី ឬបុរសនោះទេ ពួកគាត់​មានសិទ្ធសេរីភាពស្មើគ្នាក្នុង​ការរក​ចំណូល ហើយថ្ងៃនេះយើងខ្ញុំនឹងលើកយកតិចនិច ៤យ៉ាង​សម្រាប់​បង្ហាញ​ផ្លូវ​អ្នកទៅរកប្រាក់ចំណូលបានខ្ពស់​ជាងមុន។

១. កំណត់គោល​ដៅ​នៃ​ការ​ប្រើ​ប្រាស់​លុយ​ឲ្យមានប្រសិទ្ធភាព៖

អ្នកគួរកាត់បន្ថយការចំណាយដែលមិនសូវចាំបាច់ចេញឲ្យអស់ ដូចជាសំលៀកបំពាក់ ការដើរផ្សារ របស់ទំនើបៗ​ដែល​ពុំចាំបាច់ តែអ្នកគួរសន្សំលុយទុកក្នុងការចំណាយចំបាច់នានាវិញល្អជាង។

២. យក​លុយ​បង្កើត​លុយ​៖ 

ក្រោយពីសន្សំប្រាក់បានខ្លះ អ្នកគួរយកប្រាក់នោះទៅវិនិយោគអ្វីដែលមានប្រយោជន៍ ឬក៏យកលុយបង្កើតទុនរកស៊ី ហើយត្រូវធានាថាលុយដែលចំណាយទៅគឺមានប្រសិទ្ធភាពខ្ពស់។

៣. ពិនិត្យ​ចំណូល​ចំណាយ​៖

ធ្វើការផ្ទៀងផ្ទាត់ជារៀងរាល់ថ្ងៃនូវប្រាក់ចំណូល និងចំណាយ ដើម្បីធានាថាប្រាក់របស់អ្នកតុល្យភាព​នៃ​ការ​ចាយ​វាយ​របស់​​ខ្លួន​បាន​ល្អ​។

៤. អនុវត្ត​ជា​ប្រចាំនូវការងារខាងលើ​៖

ក្រោយពីរៀបគំរោងហើយកុំភ្លេចអនុវត្តន៍ផង និងត្រូវអនុវត្តន៍ជាប្រចាំណា៕