Ramos បានប្រាប់លោក Florentino Perez ថា លាហើយ បន្ទាប់ពីបដិសេធក្នុងការមិនបន្តកុងត្រាថ្មី

អេស្ប៉ាញ៖ កីឡាករ Sergio Ramos បាននិយាយថា លាហើយ Real Madrid បន្ទាប់ពីរូបគេបានបដិសេធក្នុងការបន្តកុងត្រាថ្មី ហើយរូបគេប្រហែលជាចាកចេញដោយគ្មានតម្លៃខ្លួន (Free Transfer) នាពេលទីផ្សារដោះដូរកីឡាកររដូវក្ដៅខាងមុខនេះ។ 

Sergio Ramos មានវ័យ៣៥ឆ្នាំ រូបគេបានចូលរួមជាមួយក្លឹបយក្ស Real Madrid នៅក្នុងឆ្នាំ២០០៥ ហើយបង្ហាញខ្លួនបាន៦៧០ប្រកួត ដោយបានឈ្នះពានលីគកំពូលអេស្ប៉ាញ (La Liga) ៥ដង និង Champion League ៤ដង។ យ៉ាងណាក៏ដោយ Sergio Ramos សង្ឃឹមថា Real Madrid នឹងឈ្នះ Champion League មួយដងទៀតមុនពេលដែលរូបគេត្រូវចែកផ្លូវគ្នាជាមួយ Real Madrid។

គួររំឭកផងដែរថា Sergio Ramos កំពុងមានបញ្ហារបួស ប៉ុន្តែ Sergio Ramos អាចនឹងបង្ហាញខ្លួនបាននៅជើងទី២នៃពានរង្វាន់ UEFA Champion League វគ្គ៤ក្រុមចុងក្រោយ ដែល Real Madrid ត្រូវប៉ះ Chelsea៕